Nehemi 8:18 - Labib An Kreol Seselwa

¹⁸ Sak zour, depi premye zour ziska dernyen zour, zot ti lir liv lalwa Bondye. Zot ti selebre lafet pandan set zour. Dapre regleman, son wityenm zour, ti en zour lasanble solannel.

Nehemi 8:18 ပူးပေါင်းရင်းမြစ်များ

Nehemi 8:2

Alor, premye zour, setyenm mwan, pret Esdras ti anmenn liv lalwa devan lasanble antye; tou dimoun: Zonm, fanm, avek tou sa bann ki ti kapab tande e konpran.

Nehemi 8:3

Depi bomaten ziska midi, i ti lir dan liv, devan laplas ki anfas avek laport Delo, dan prezans tou dimoun: Zonm, fanm ek tou bann ki ti kapab konpran; tou dimoun ti ekout atantivman lektir liv lalwa.

Levitik 23:36

Pandan set zour, zot ava ofer SENYER bann lofrann brile par dife. Wityenm zour, zot ava obzerv en rasanbleman sakre e prezant SENYER bann lofrann brile par dife. Sa i en lasanble solannel; zot pa pou fer okenn travay ordiner.

Levitik 23:41

Zot ava gard sa lafet pour selebre SENYER pandan set zour toulezan. Zot ava obzerv sa lafet setyenm mwan, koman en regleman pour touzour pour tou bann zenerasyon.

Nonm 29:35

Wityenm zour, zot ava konvok en dernyen rasanbleman sakre. Zot pa devre fer okenn travay sa zour.

Levanzil dapre Zan 7:37

Dernyen zour lafet ki pli solannel, Zezi ti debout devan lafoul. I ti dir byen for, “Sa enn ki swaf, vini! Vin kot mwan, vin bwar.