Nehemi 8:17 - Labib An Kreol Seselwa

¹⁷ Lasanble antye ki ti'n retournen sorti annegzil, ti fer sa bann payot; zot ti reste ladan. Annefe, depi lepok Zozye, garson Noun, ziska ozordi, bann Izraelit pa ti'n zanmen fer sa. Alor ti annan gran selebrasyon.

Nehemi 8:17 ပူးပေါင်းရင်းမြစ်များ

1 Kronik 29:22

Sa zour, zot ti manze, bwar devan SENYER dan gran selebrasyon. Pour en dezyenm fwa, zot ti proklanm Salomon, garson David, koman lerwa; zot ti donn li lonksyon koman sef pour SENYER; Sadok ti ganny lonksyon koman gran pret.

2 Kronik 30:26

Ti annan gran lazwa dan Zerizalenm, akoz depi Salomon, garson David, lerwa Izrael, pa ti'n zanmen annan en tel selebrasyon dan Zerizalenm.

2 Kronik 35:18

Zot pa ti'n selebre en tel lafet Pak depi lepok profet Samyel. Okenn lerwa Izrael pa'n zanmen organiz en selebrasyon Pak parey sa enn ki Zozyas ti selebre ansanm avek bann pret, levit, ek zabitan Zerizalenm, lepep rwayonm Zida ek Izrael ki ti la.

2 Kronik 8:13

Salomon ti ofer sakrifis dapre lord pour sak zour ki Moiz ti'n fikse: Pour bann zour saba, pour bann nouvellin, pour lokazyon trwa gran lafet dan lannen: Lafet Dipen san lelven, lafet Larekolt ek lafet Payot.

Esdras 3:4

Zot ti selebre lafet bann Latant dapre Lalwa Moiz e ofer sakrifis pour sak zour parey lalwa in ordonnen.

Levanzil dapre Zan 1:14

Laparol in vin en et imen. I'n vin reste parmi nou. Nou'n war son laglwar; laglwar son sel Garson ki sorti kot Papa, ranpli avek lagras ek laverite.

Deterononm 16:15

Pandan set zour, ou ava selebre sa lafet an loner SENYER, ou Bondye, la kot SENYER ava swazir; SENYER, ou Bondye ava beni ou dan tou ou bann rekolt e dan tou sa ki ou ava antreprann. Alor ou ava vreman dan lazwa.

Ebre 11:13

Zot tou, zot in mor dan lafwa, san ki zot ti'n resevwar sa ki zot ti'n ganny promet. Me zot in war li dan lwen e zot in rezoui. Zot ti deklare ki zot ti bann etranze e bann egzile lo later.

Ebre 11:9

Par lafwa, i ti viv koman en etranze dan sa pei ki i ti'n ganny promet. I ti reste anba latant avek Izaak ek Zakob, bann zeritye menm promes.

Ebre 4:8

Annefe, si Zozye ti'n kondwir pep Izrael dan sa repo, Bondye pa ti ava'n koz plitar, lo en lot zour.

Zozye 1:1

Apre lanmor Moiz, serviter SENYER, SENYER ti koz avek Zozye, garson Noun e asistan Moiz.