Nehemi 8:16 - Labib An Kreol Seselwa

¹⁶ Alor, lepep ti sorti e anmenn sa bann brans. Sakenn ti fer son payot lo son twa, dan son lakour, dan lakour tanp Bondye, lo laplas Laport Delo e lo laplas Laport Efraim.

Nehemi 8:16 ပူးပေါင်းရင်းမြစ်များ

2 Samyel 11:2

En zour, tar apremidi, David ti leve apre ki i ti'n fini repoze, e i ti pe pronmnen lo twa son pale. Depi la, i ti apersevwar en fanm pe bennyen; sa fanm ti tre zoli.

2 Rwa 14:13

Zoas, lerwa Izrael, ti fer prizonnyen Amasya, lerwa Zida, garson Zoas, garson Akazya, dan Bet-Semes. I ti ariv Zerizalenm, kot i ti kas miray lo en longer 200 met, depi laport Efraim ziska laport Kwen.

2 Kronik 20:5

Zozafat ti debout devan lasanble ki'n sorti partou dan Zida ek Zerizalenm, dan nouvo lakour tanp.

2 Kronik 33:5

Dan tou le de lakour tanp SENYER, i ti konstri bann lotel pour ladorasyon tou bann zetwal.

Nehemi 12:37

Kot laport Sours e drwat devan zot, zot ti mont bann mars lavil David lo miray par lao lakaz David, ziska laport Delo, lo kote Les.

Nehemi 12:39

Apre, par lao laport Efraim, Vye laport, laport Pwason, tour Hananeel, tour Mea, ziska laport Mouton. Nou ti aret kot laport Gard.

Nehemi 3:26

bann serviter tanp ki ti reste lo kote Ofel, ti travay ziska vizavi laport Delo dan Les Latour.

Nehemi 8:1

Pep antye ti rasanble ansanm dan laplas piblik devan laport Delo. Zot ti demann skrib Esdras pour anmenn liv lalwa Moiz, ki SENYER ti'n donn Izrael.

Nehemi 8:3

Depi bomaten ziska midi, i ti lir dan liv, devan laplas ki anfas avek laport Delo, dan prezans tou dimoun: Zonm, fanm ek tou bann ki ti kapab konpran; tou dimoun ti ekout atantivman lektir liv lalwa.

Zeremi 19:13

Tou bann lakaz dan Zerizalenm, menm pale lerwa Zida ek tou bann lakaz kot zot in bril lansan an loner bann zetwal dan lesyel, kot zot in prezant lofrann diven avek sa bann bondye etranze, pou ganny deklare enpir parey Tofet.

Zeremi 32:29

Bann Babilonyen ki pe atak lavil pou antre, e zot pou met dife partou. Zot pou bril bann lakaz kot bann zabitan ti fer mon lakoler monte kont zot, akoz zot ti bril lansan en loner Baal lo twa lakaz, e ofer diven lezot bondye.

Deterononm 22:8

Si ou konstri en nouvo lakaz, ou ava met en balistrad toultour son twa. Otreman, si en dimoun i tonbe sorti lo ou twa, ou riske responsab son lanmor.