Nehemi 7:65 - Labib An Kreol Seselwa

⁶⁵ Gouverner ti defann zot manz bann lofrann tre sakre, ziska ki en pret i la pour konsilte Ourim ek Toumim.

Nehemi 7:65 ပူးပေါင်းရင်းမြစ်များ

Esdras 2:63

Gouverner ti ordonnen ki zot pa manz bann manze sakre, ziska ki en pret i konsilte Ourim ek Toumim.

Nehemi 10:1

Parmi bann ki ti met zot sele lo sa dokiman ti annan: Nehemi, gouverner, garson Hakalya, ek Sedesyas. Bann pret:

Nehemi 7:64

Zot ti rod zot zanset dan lalis bann fanmir, san okenn sikse. Zot ti ganny anpese servi koman pret.

Nehemi 7:66

Ti annan 42,360 zonm dan lasanble,

Nehemi 7:70

Bann sef lafanmir ti osi fer bann kontribisyon pour bann travay. Zot ti donn 20,000 pyes annor ek 1,100 kilo larzan.

Nehemi 8:9

Gouverner Nehemi, pret e skrib Esdras, ek bann levit ki ti pe ansennyen, ti dir lepep antye, “Sa zour i sakre pour SENYER, zot Bondye. Pa bezwen port dey ni plere.” Annefe, lepep antye ti pe plere ler zot ti pe ekout parol lalwa.

Egzod 28:30

Ou ava met Ourim ek Toumim dan pektoral zizman. Zot ava lo leker Aaron kan i ava antre devan SENYER. Konmsa, Aaron ava pe touzour port lo son leker, zizman pour pep Izrael devan SENYER.

Levitik 2:10

Sa ki reste dan sa lofrann ava vin pour Aaron ek son bann garson. I en porsyon tre sakre sa lofrann ki'n ganny brile dan dife pour SENYER.

Levitik 2:3

Sa ki reste dan sa lofrann vezetal, ava vin pour Aaron ek son bann garson. I en porsyon tre sakre sa sakrifis ki'n ganny brile dan dife pour SENYER.

Levitik 6:17

Fodre pa kwi li avek lelven. Mon donn zot sa koman zot par dan mon sakrifis brile par dife. Sa i en keksoz tre sen, parey dan ka sakrifis pour pardon pese ek sakrifis pour reparasyon.

Levitik 8:8

Apre, i ti plas pektoral lo son pwatrin e met Ourim ek Toumim ladan.

Nonm 27:21

I pou asiste pret Eleazar ki ava konsilte Ourim. Konmsa, i ava diriz Zozye e lepep ava swiv.”

Deterononm 33:8

La sa ki Moiz ti dir lo Levi: Donn Levi, sa enn ki lwayal anver ou ou Toumim ek ou Ourim. Ou ti teste li Massa, e ou ti provok li kot sours Meriba.