Nehemi 7:64 - Labib An Kreol Seselwa

⁶⁴ Zot ti rod zot zanset dan lalis bann fanmir, san okenn sikse. Zot ti ganny anpese servi koman pret.

Nehemi 7:64 ပူးပေါင်းရင်းမြစ်များ

1 Kronik 9:1

Tou bann Izraelit ti ganny anrezistre e zot ti ganny ekri dan Liv bann Lerwa Izrael. Zida ti ganny deporte Babilonn akoz son enfidelite anver Bondye.

Nehemi 13:29

Mazin zot, mon Bondye, akoz zot in sali saserdos ek lalyans bann pret ek bann levit.

Nehemi 7:5

Bondye ti met dan mon lespri lide pour rasanble bann sef, bann zofisye ek lepep, pour fer en resansman. Mon ti war en liv lalis bann egzile ki ti'n retourn premye dan pei.

Nehemi 7:63

Parmi bann pret ki ti dan sa sityasyon: Bann desandan Hobaya, Hakos, Barzilai ki ti'n marye avek en fiy Barzilai, en Galaadit.

Nehemi 7:65

Gouverner ti defann zot manz bann lofrann tre sakre, ziska ki en pret i la pour konsilte Ourim ek Toumim.

Levitik 4:3

si en pret konsakre ki'n fer sa pese, e par la i'n rann koupab lepep antye, i ava ofer SENYER koman sakrifis pardon pour son pese, en zenn toro san okenn defo.