Nehemi 7:4 - Labib An Kreol Seselwa

⁴ Lavil ti larz avek bokou lespas, me ti napa bokou zabitan e zot pa ti'n ankor konstri bann lakaz.

Nehemi 7:4 ပူးပေါင်းရင်းမြစ်များ

Nehemi 11:1

Bann sef lepep ti etabli zot dan Zerizalenm. Leres lepep ti tir osor pour swazir en dimoun lo dis pour reste Zerizalenm, lavil sakre, tandis ki nef restan, zot ava al dan lezot lavil.

Nehemi 11:2

Lepep ti rekonesan anver bann ki ti ofer zot pour reste volonterman Zerizalenm.

Nehemi 7:3

Mon ti dir zot, “Bann laport Zerizalenm pa pou ganny ouver avan ki soley in mont; zot ava ganny fermen pandan ki bann gardyen ava ankor pe mont lagard. Nonm bann santinel parmi bann zabitan Zerizalenm, serten devan zot post, lezot devan zot prop lakaz.”

Nehemi 7:5

Bondye ti met dan mon lespri lide pour rasanble bann sef, bann zofisye ek lepep, pour fer en resansman. Mon ti war en liv lalis bann egzile ki ti'n retourn premye dan pei.

Ezai 58:12

Alor, ou ava repar bann lavil ki'n tonm anrin; ou pou rekonstri fondasyon bann zenerasyon pase. Dimoun pou apel ou: Sa enn ki repar bann miray grennen, e restor bann semen e rann lavil abitab.

Matye 6:33

Rod plito Rwayonm Bondye ek son lazistis, e li menm i ava donn zot leres ki zot bezwen.