Nehemi 6:12 - Labib An Kreol Seselwa

¹² Alor, mon ti konpran ki pa Bondye ki ti'n anvoy li; me i ti'n pronons sa parol profetik kont mwan, akoz Tobiya ek Sanbalat ti'n pey li.

Nehemi 6:12 ပူးပေါင်းရင်းမြစ်များ

Nehemi 6:11

Mon ti reponn, “Eski en zonm koman mwan i devre sove? Eski en zonm koman mwan devre antre dan tanp pour li sov son lavi? Mon pa pou ale.”

Nehemi 6:13

I ti'n ganny peye osi pour fer mwan per e swiv son bann konsey pour ki mon fer pese. Konmsa, zot ti ava kapab sali mon repitasyon pour mwan ganny dezonore.

Ezai 56:11

Me zot, zot en bann lisyen voras ki pa zanmen ase manze. Zot en bann berze ki pa konpran nanryen. Sakenn i swiv son prop semen, sakenn i rod zis son lentere.

Zeremi 14:14

SENYER ti reponn mwan, “Bann profet pe servi mon non pour koz mansonz. Mon pa'n anvoy zot koz dan mon non; mon pa'n donn zot okenn lord; mon pa'n koz okenn parol avek zot. Bann vizyon ki zot dir zot in ganny pa sorti kot mwan. Tou zot bann fo mesaz i sorti dan zot limazinasyon e pa fer okenn sans.”

Zeremi 23:16

La sa ki SENYER liniver i deklare: Pa ekout parol bann profet. Pa les zot tronp ou avek en bann fo promes. Sa ki zot pe dir i zot prop lenvansyon; zot pa pe anons mesaz sorti kot SENYER.

Zeremi 23:25

Mon'n tande sa ki bann profet pe dir. Zot pretann ki zot koz dan mon non. Zot dir: Mon'n ganny en vizyon! Mon'n ganny en vizyon! Me sa pa vre.

Zeremi 28:15

Profet Zeremi ti dir profet Hananya: Hananya! Ekout mwan byen. SENYER pa'n anvoy ou e ou pe fer sa pep krwar dan en mansonz.

Ezekyel 13:19

Zot in dezonor mwan devan mon pep pour detrwa ponnyen lorz ek detrwa morso dipen. Par zot mansonz avek mon pep ki ekout zot, zot in touy dimoun ki pa merit lanmor e les viv sa bann ki pa devre viv.

Ezekyel 13:22

Par zot mansonz, zot dekouraz bon dimoun, kan mwan mon pa'n fer li, e zot in ankouraz bann malfeter dan zot mesanste e anpes zot kit zot move konportman. Alor, permet zot viv.

Ezekyel 13:7

Vizyon ki zot gannyen i zis bann ilizyon; zot bann prediksyon i mansonz. Zot dir tousala i deklarasyon SENYER, kan mon pa'n dir nanryen.

Mise 3:11

Son bann sef i rann zizman kont gous; son bann pret i fer peye pour ansennyen; son bann profet i predir lavenir pour larzan. Pourtan, zot kont lo SENYER, e zot dir: SENYER i avek nou. Okenn maler pa pou tonm lo nou!

Akt de Zapot 20:33

Mon pa'n zanmen anvi ni larzan, ni lor, ni lenz personn.

1 Korentyen 12:10

Enn i ganny don fer mirak, en lot i ganny don pour koz lo non Bondye. En lot ankor i ganny don pour disernen ant bon ek move lespri. Enn i ganny don pour koz dan diferan lalang, en lot pour enterpret bann lalang.

1 Korentyen 2:15

Zonm ki annan Lespri Bondye i kapab disern tou; me personn pa kapab ziz li.

1 Timote 3:3

Fodre pa ki i en bwarer, ni vyolan, me ki i annan en karakter dou, kontan lape, e pa kontan larzan.

Let Pol pour bann Tit 1:7

Annefe, fodre ki en dirizan Legliz ki en serviter Bondye, i san repros. I pa devre ni arogan, ni malsoufran, ni soular, ni vyolan, ni rod fer profi malonnet.

1 Pyer 5:2

Pran byen swen troupo ki Bondye in konfye avek zot koman berze. Vey lo li, pa par obligasyon, me avek bonker, parey Bondye i oule. Pa fer li pour ganny larzan, me avek devouman.

2 Pyer 2:3

Akoz zot lanmour pour larzan, sa bann dimoun pou eksplwat zot par bann fo rezonnman pour trik zot. Me zot zizman in pare pour zot depi lontan; zot kondannasyon pe esper zot, e zot destriksyon pa pe dormi.

1 Zan 4:1

Mon bann zanmi! Pa bezwen krwar tou sa bann ki pretann ki zot posed Lespri. Teste zot dabor pour konnen si sa lespri i sorti kot Bondye. Annefe, i annan bokou fo profet dan lemonn.

Revelasyon 18:13

kannel, lezot zepis, parfen, lamir, lansan, diven, delwil, lafarin ek dible, bef ek mouton, seval ek kales, lesklav e menm bann trafik imen.