Nehemi 6:11 - Labib An Kreol Seselwa

¹¹ Mon ti reponn, “Eski en zonm koman mwan i devre sove? Eski en zonm koman mwan devre antre dan tanp pour li sov son lavi? Mon pa pou ale.”

Nehemi 6:11 ပူးပေါင်းရင်းမြစ်များ

Nehemi 6:12

Alor, mon ti konpran ki pa Bondye ki ti'n anvoy li; me i ti'n pronons sa parol profetik kont mwan, akoz Tobiya ek Sanbalat ti'n pey li.

Nehemi 6:3

Alor, mon ti anvoy zot bann mesaze pour dir zot: Mon annan bokou travay pour fer e mon napa letan pour desann. Akfer travay ava bezwen ganny enteronpe, letan mon desann pour vin kot zot?

Nehemi 6:9

Zot tou, zot ti oule fer nou per; zot ti dir antre zot: Zot ava dekouraze e travay pa pou kontinyen. Alor! Bondye! Donn mwan kouraz.

Psonm 112:6

Sa enn ki fer tousala, pa pou zanmen tonbe. I pa pou zanmen ganny oubliye.

Psonm 112:8

Son leker i trankil, i pa per. I annan lasirans ki i pou war lanmor son ladverser.

Proverb 28:1

En malfeter i sove san ki personn pa pourswiv li; me sa enn ki zis i annan otan konfyans ki en lyon.

Eklezyas 10:1

Detrwa mous mor i enfekte e detri en parfen; en pe sotiz i gat lasazes ek loner.

Ezai 10:18

SENYER pou detri bann lafore konpletman ek bann plantasyon fri. Zot pou parey en malad ki deperi.

Nonm 3:10

Ou ava etabli Aaron ek son bann garson dan zot fonksyon pret. En dimoun ordiner ki apros zot, i devret ganny met anmor.

Akt de Zapot 20:24

Me mon pa atas okenn valer spesyal avek mon lavi. Pourvi ki mon kapab akonpli mon misyon e fini sa travay ki Senyer Zezi in konfye mwan, pour anons Bonn Nouvel lagras Bondye.

Akt de Zapot 21:13

Me Pol ti reponn, “Akoz zot pe plere konmsa e kas mon leker? Mwan mon pare pa zis pour ganny anmare, me menm pour mor pour nou Senyer Zezi dan Zerizalenm.”

Akt de Zapot 8:1

Sol ti dakor avek sa bann ki ti touy Etyenn. Sa menm zour, en gran persekisyon kont Legliz Zerizalenm ti konmanse. Tou bann krwayan, eksepte bann zapot, ti sov dan bann rezyon Zide ek Samari.

Filipyen 2:17

Petet ki mon disan ava ganny verse koman en lofrann avek sakrifis ki zot lafwa i prezante devan Bondye. Si sa i arive, mon ere e mon partaz mon lazwa avek zot tou.

Filipyen 2:30

Annefe, se akoz misyon Kris ki i ti pre pour mor. I'n riske son lavi pour li donn mwan led ki zot pa ti kapab donnen.

Ebre 11:27

Par lafwa, Moiz ti kit Lezip, san ki i ti per lakoler lerwa. I ti persevere konmsi i ti pe war sa enn ki envizib.

1 Samyel 19:5

I ti riske son lavi e i ti touy sa Filisten; SENYER ti donn Izrael antye en gran laviktwar. Ou ti war, e ou ti rezouir. Akoz ou oule fer pese e vers disan inosan? Akoz ou oule fer David mor san rezon?”