Nehemi 5:11 - Labib An Kreol Seselwa

¹¹ Annou rann zot ozordi menm, zot plantasyon, zot plantasyon rezen, zot plantasyon zoliv, ek zot lakaz, ensi ki lentere lo larzan, dible, diven, delwil ki zot in prete.”

Nehemi 5:11 ပူးပေါင်းရင်းမြစ်များ

2 Samyel 12:6

I devre ranplas sa mouton vole par kat lezot mouton, akoz i'n azir san okenn pitye.”

Nehemi 5:10

Mwan osi, mon bann frer ek mon bann serviter, nou'n pret zot larzan ek dible. Alor, annou pa bezwen demann zot rann avek lentere.

Nehemi 5:12

Zot ti reponn, “Nou pou rann zot tou; nou pa pou demann zot nanryen. Nou pou fer parey ou dir.” Alor, mon ti apel bann pret e fer zot fer en serman konmkwa zot ava gard zot parol.

Ezai 58:6

La zenn ki fer mwan plezir: Detas bann lasenn lenzistis, tir sa fardo ki pez lo ou zepol, rann lib dimoun ki ganny kraze e debaras bann fardo ki gard ou lesklav.

Levanzil dapre Lik 3:8

Alor, prodwi bann bon fri ki montre ki zot in konverti. Pa zis dir dan zot menm: Abrahanm i nou papa. Les mwan dir zot ki Bondye i kapab servi sa bann ros ki la, pour fer zot vin desandans Abrahanm.

Deterononm 6:11

bann lakaz ranpli avek en kantite bon keksoz ki ou pa'n anmennen; bann pwi ki ou pa'n fouye, bann plantasyon rezen ek pye zoliv ki ou pa'n plante. Ler ou ava'n manze e rasazye,

1 Samyel 12:3

La mon la. Akiz mwan devan SENYER e devan sa enn ki'n resevwar son lonksyon. Lekel ki mon'n pran son bef? Lekel ki mon'n pran son bourik? Lekel ki mon'n eksplwate? Lekel ki mon'n fer dimal? Lekel ki mon'n kraze? Avek lekel ki mon'n deza pran gous pour ferm mon lizye lo sa ki i'n fer. Dir mwan, e mon ava rann zot sa ki pour zot.”