Nehemi 5:10 - Labib An Kreol Seselwa

¹⁰ Mwan osi, mon bann frer ek mon bann serviter, nou'n pret zot larzan ek dible. Alor, annou pa bezwen demann zot rann avek lentere.

Nehemi 5:10 ပူးပေါင်းရင်းမြစ်များ

Nehemi 10:32

Nou ti osi fikse en lareg konmkwa sak lannen, nou pou donn en pyes larzan kat granm pour servis tanp nou Bondye.

Nehemi 5:11

Annou rann zot ozordi menm, zot plantasyon, zot plantasyon rezen, zot plantasyon zoliv, ek zot lakaz, ensi ki lentere lo larzan, dible, diven, delwil ki zot in prete.”

Nehemi 5:7

Apre refleksyon, mon ti deside pour port plent kont bann sef ek bann zofisye. Mon ti dir zot, “Zot pe pret avek lentere avek zot bann frer!” Mon ti konvok zot tou dan en gran lasanble.

Nehemi 5:9

Alor, mon ti dir zot, “Sa ki zot pe fer i pa byen. Zot devre viv dan respe anver Bondye, pour zot pa ganny kraze par lezot nasyon, par nou bann lennmi.

Psonm 15:5

I pret larzan san demann okenn lentere; i pa aksepte gous pour akiz en inosan. Sa enn ki fer tousala, pa pou zanmen tonbe.

Ezai 58:6

La zenn ki fer mwan plezir: Detas bann lasenn lenzistis, tir sa fardo ki pez lo ou zepol, rann lib dimoun ki ganny kraze e debaras bann fardo ki gard ou lesklav.

Ezekyel 18:13

i pret son larzan avek lentere e fer profi; eski i pou viv? I pa pou viv. In komet tou sa bann pratik degoutan. Alor, i pou sertennman mor e i ava li menm responsab son lanmor.

Ezekyel 18:7

I pa abiz lo lezot, me i rann sa ki en dimoun in met angaz pour en det. I pa tronp lezot. I donn manze sa enn ki lafen e lenz sa enn ki touni.

Ezekyel 18:8

I pa pret son larzan avek lentere; ni egziz en profi lo la. I evit bann move pratik e i donn en bon zizman dapre lazistis.

Mise 2:1

Maler pour sa bann ki mazin zis fer dimal e ki manigans mesanste lo zot lili! De ki lizour i fer, zot egzekit zot plan, akoz zot annan pouvwar fer li.

2 Korentyen 5:11

Akoz nou konnen ki savedir annan respe pour Senyer, nou fer tou pour konvenk dimoun. Me Bondye i konn nou tre byen. Mon espere ki dan zot konsyans, zot osi, zot konn mwan byen.

2 Korentyen 5:20

Nou'n vin bann anbasader anvoye par Kris. Atraver nou, Bondye li menm in apel zot. O non Kris, nou sipliy zot, les zot ganny rekonsilye avek Bondye.

2 Korentyen 6:1

Akoz nou bann kolaborater Bondye, nou sipliy zot pour pa negliz sa lagras ki zot in resevwar avek li.

Deterononm 15:2

La ki mannyer ou pou fer: Kan lannen pour efas bann det in ganny proklanmen, an loner SENYER, tou dimoun ki'n pret larzan avek son prosen, ava renons ranboursman. I pa devre obliz son vwazen ni son frer pey sa det.