Nehemi 4:2 - Labib An Kreol Seselwa

² I ti dir devan son bann frer e dan prezans larme Samari, “Ki sa bann Zwif bonnaryen pe fer la? Eski zot pou reisi repar zot lavil pour ofer sakrifis ladan? Eski zot pou fini en zour? Eski zot pou kapab fer reviv bann ros e fer zot sorti dan sa ta debri ki'n ganny brile par dife?”

Nehemi 4:2 ပူးပေါင်းရင်းမြစ်များ

Esdras 4:4

Alor, bann zabitan sa pei ti dekouraz pep Zida e fer zot per pour anpes zot konstri tanp.

Nehemi 12:27

Pour linogirasyon miray Zerizalenm, zot ti fer apel bann levit dan tou bann landrwa kot zot ti reste pour zot vin Zerizalenm pour selebre linogirasyon dan lazwa par bann san ek lapriyer, avek lakonpannyman senbal, lir ek laarp.

Nehemi 12:43

Sa zour, lepep ti ofer en kantite sakrifis, e anmiz zot, akoz Bondye ti'n donn zot en gran lokazyon pour rezouir. Bann fanm avek bann zanfan ti osi dan lazwa; tapaz selebrasyon ti ganny tande lwen an deor Zerizalenm.

Nehemi 4:10

Me Zida ti dir, “Lafors bann ki transport materyo pe bese; i annan tro bokou salte, e nou pa kapab konstri miray.”

Nehemi 6:15

Travay lo miray ti terminen le 25 dan mwan Eloul; ti'n pran 52 zour.

Psonm 83:4

Zot dir: Vini! Annou fer zot disparet koman en nasyon; fer sa non Izrael ganny oubliye pour touzour.

Zeremi 26:18

Kan Ezekyas ti lerwa Zida, Mise ki sorti Moreset, ti dir avek pep Zida: La sa ki SENYER liniver i deklare: Siyon pou ganny laboure parey en later; Zerizalenm pou vin en ta ros, e kolin kot tanp in ganny konstri, pour vin en oter kouver avek brousay.

Zeremi 33:24

Eski ou pa'n antann sa pep dir ki mon'n rezet Izrael ek Zida, sa de fanmir ki mon ti'n swazir? Dimoun ki koz konmsa, zot mepriz mon pep, e zot nepli konsider li koman en nasyon.

Danyel 9:25

Pran kont alor, e konpran: Apartir sa lord pour retabli e rekonstri Zerizalenm, ziska konsekrasyon en sef, ou ava kont set semenn. Pandan 62 semenn, lavil ek son miray pou ganny rekonstri, me dan en letan difisil.

Habakouk 3:2

SENYER! Mon'n antann koz lo ou bann mervey. SENYER! Mon tranble devan ou bann gran aksyon. Pandan ki nou ankor vivan, fer ankor sa bann mervey. Fer zot ganny konnen! Me dan ou lakoler, pa oubliy ou konpasyon.

Zakari 12:8

Sa zour, SENYER pou protez bann zabitan Zerizalenm. Konmsa, sa enn ki pli feb parmi zot, ava parey David e desandan David pou vin parey Bondye pour zot, parey lanz SENYER ki mars devan zot.

Zakari 4:10

Sa enn ki'n mepriz letan bann pti keksoz, pou kontan kan i pou war sa pyer fondasyon dan lanmen Zorobabel! Sa set lalanp se lizye SENYER ki eksplor later antye.”

1 Korentyen 1:27

O kontrer, Bondye in swazir sa ki paret fou dan lemonn, pour fer onte bann saz. Bondye in swazir sa ki paret feb dan lemonn, pour fer onte bann ki for.