Nehemi 4:15 - Labib An Kreol Seselwa

¹⁵ Kan nou bann lennmi ti tande ki nou konnen ki zot ti pe fer konplo, e ki Bondye ti'n detourn zot plan, nou tou, nou ti retourn kot miray, sakenn dan son travay.

Nehemi 4:15 ပူးပေါင်းရင်းမြစ်များ

2 Samyel 15:31

Zot ti raport avek David, “Ahitofel i osi avek Absalon parmi bann ki ti fer konplo.” David ti priye, “SENYER tourn bann konsey Ahitofel an ridikil.”

2 Samyel 17:14

Absalon ek tou Izraelit ki ti la, ti dir, “Konsey Housai i pli bon ki pour Ahitofel.” SENYER ti'n deside pour fer tonbe tou bon konsey Ahitofel, e konmsa anmenn maler lo Absalon.

Nehemi 4:16

Depi sa zour, lanmwatye mon bann serviter ti travay lo konstriksyon e lanmwatye ti arme avek lans, boukliye, fles, dan liniform konba. Bann sef ti vey lo tou bann fanmir Zida.

Proverb 21:30

Napa okenn lasazes imen, okenn rezonnman, okenn konsey imen, ki kapab tenir devan SENYER.

Ezai 44:25

Mon defet siny bann ki vantar e fer bann deviner derezonnen e rann zot konnesans bet.

Ezai 8:10

Pran konsey avek kanmarad; fer plan ansanm; i pa pou marse. Diskit lo zot plan; i pa pou reisi akoz Bondye, i avek nou.

Mark 13:34

I pou parey en zonm ki pe al an vwayaz. I kit son lakaz e met son bann serviter ansarz. I donn sakenn son louvraz; i donn lord gardyen pour vey laport.

Romen 12:11

Pa fer pares, me servi Senyer avek tou zot leker.

1 Tesalonisyen 4:11

Fer tou pour viv anpe e okip zot prop zafer. Travay avek zot prop lanmen, parey nou'n deza demann zot.