Nehemi 2:6 - Labib An Kreol Seselwa

⁶ Dan prezans larenn ki ti pe asiz obor li, lerwa ti dir mwan, “Pandan konbyen letan ou pou absan e kan eski ou pou retournen?” Lerwa ti aksepte les mwan ale e mon ti fikse dat mon retour avek li.

Nehemi 2:6 ပူးပေါင်းရင်းမြစ်များ

Nehemi 1:11

O SENYER! Ekout mon lapriyer e siplikasyon ou bann serviter ki pran plezir pour onor ou non. Fer ou serviter reisi ozordi e fer li ganny faver sa zonm.” Sa lepok mon ti responsab labwason lerwa.

Nehemi 13:6

Kan tousala ti arive, mon pa ti Zerizalenm, akoz mon ti'n retourn kot lerwa, dan tranndezyenm lannen renny Artakzerzes, lerwa Babilonn. Ver lafen lannen, mon ti demann lerwa permisyon

Nehemi 2:4

Lerwa ti dir mwan, “Ki ou annan pour demann mwan?” Alor mon ti priy Bondye dan lesyel.

Nehemi 2:5

Apre, mon ti dir lerwa, “Si lerwa i anvi fer plezir mwan, son serviter, anvoy mwan Zida, dan lavil kot bann tonbo mon bann zanset in ganny antere, pour mwan rekonstri sa lavil.”

Nehemi 5:14

Depi zour ki lerwa ti etabli mwan koman zot gouverner dan pei Zida, depi ventyenm ziska tranndezyenm lannen renny lerwa Artakzerzes, pandan 12 an, ni mwan, ni okenn mon bann frer ti viv lo depan sa ki gouverner ti ganny.

Ezai 58:12

Alor, ou ava repar bann lavil ki'n tonm anrin; ou pou rekonstri fondasyon bann zenerasyon pase. Dimoun pou apel ou: Sa enn ki repar bann miray grennen, e restor bann semen e rann lavil abitab.

Ezai 61:4

Zot pou rekonstri lo vye fondasyon zot pou relev bann landrwa devaste depi lontan; zot pou refer bann lavil anrin ki'n ganny dezerte depi plizyer zenerasyon.

Ezai 65:24

Avan ki zot apel mwan, mon pou reponn; parol pou ankor dan zot labous, mon pou'n fini tande.

Danyel 9:25

Pran kont alor, e konpran: Apartir sa lord pour retabli e rekonstri Zerizalenm, ziska konsekrasyon en sef, ou ava kont set semenn. Pandan 62 semenn, lavil ek son miray pou ganny rekonstri, me dan en letan difisil.