Nehemi 13:3 - Labib An Kreol Seselwa

³ Kan bann Izraelit ti'n antann lektir lalwa, zot ti sas bann etranze dan zot kominote.

Nehemi 13:3 ပူးပေါင်းရင်းမြစ်များ

Esdras 10:11

Aprezan, rekonnet zot fot devan SENYER, Bondye zot zanset, e fer son volonte. Separ zot avek pep sa pei e avek bann fanm etranze”.

Esdras 9:2

Zot bann zanfan in marye avek bann zanfan sa bann pep, de sort ki zot in melanz pep Bondye avek bann zabitan sa pei. Bann sef ek bann mazistra ki ti parmi bann premye pour komet sa lenfidelite.

Nehemi 10:28

Leres lepep: Pret, levit, portye, santer, serviter tanp, ek tou bann ki ti'n separe avek bann pep lezot pei, pour swiv lalwa Bondye, ensi ki zot fanm, zot bann garson, zot bann fiy, e tou bann ki ti kapab konpran,

Nehemi 9:2

Bann ki desandan Izrael ti separ zot avek bann etranze. Zot ti debout e konfes zot pese ek pese zot bann zanset.

Psonm 119:11

Mon gard ou parol dan mon leker, pour mwan pa fer pese kont ou.

Psonm 119:9

Konman eski en zenn i kapab gard son lavi pir? Kan i obei parol SENYER.

Egzod 12:38

En kantite etranze ti osi mont avek zot. Zot ti anmenn osi zot troupo mouton ek kabri.

Proverb 6:23

Annefe, bann komannman i en lalanp, e lansennyman en lalimyer; bann lavertisman ek bann koreksyon, i en semen lavi.

Nonm 11:4

Parmi pep Izrael, ti annan group etranze ki ti ranpli avek tou kalite lanvi. Bann Izraelit osi ti pe konmans konplent: Kote nou pou ganny en pe lavyann pou manze?

Romen 3:20

Annefe, napa personn ki pou pas pour zis devan li akoz in obei Lalwa. Lalwa i zis permet en dimoun konnen ki i'n komet pese.

Let Zak 1:27

La sa ki Bondye Papa i konsider koman en relizyon pir e san defo: Pran swen bann orfelen ek bann vev dan zot detres; pa les ou ganny sali par salte sa monn.