Nehemi 13:25 - Labib An Kreol Seselwa

²⁵ Mon ti repros zot e mon ti modi zot; mon ti bat en bann e aras zot seve; mon ti fer zot pret serman o non Bondye: Zot pa pou donn zot bann fiy avek zot bann garson, ni pran zot bann fiy pour zot garson, ni pour zot.

Nehemi 13:25 ပူးပေါင်းရင်းမြစ်များ

2 Rwa 2:24

Elize ti vir deryer; i ti war zot e i ti modi zot lo non SENYER. Alor, de lours ti sorti dan lafore e devor 42 parmi sa bann garson.

Esdras 10:5

Esdras ti leve. I ti fer bann gran-pret, bann levit ek Izrael antye, fer en serman konmkwa zot ava azir parey zot in dir. Zot tou, zot ti fer sa serman.

Esdras 7:26

Bann dimoun ki pa obei lalwa ou Bondye e lalwa lerwa pou ganny swa kondannen anmor, swa anvoye annegzil, swa konfiskasyon son bann byen, swa ganny met dan prizon.

Nehemi 13:11

Mon ti repros bann zofisye. Mon ti demann zot akoz tanp Bondye in ganny abandonnen? Mon ti rasanble bann levit ek bann santer e fer zot repran zot plas.

Nehemi 13:17

Mon ti repros bann personnaz enportan dan Zida. Mon ti demann zot: Ki savedir sa bann move aksyon ki zot pe fer? Zot pe mepriz zour saba.

Nehemi 13:24

Lanmwatye parmi zot bann garson ti koz langaz asdodit e pa ti konn koz lalang bann Zideen. Zot ti koz zis langaz tel ou tel pep etranze.

Nehemi 5:13

Mon ti osi sekwe mon lenz. Mon ti dir, “Mon demande ki Bondye i sekwe, dan menm fason, tou sa bann ki pa gard zot parol. Mon demande ki zot perdi zot lakaz ek tou zot byen.” Lasanble antye ti dir, “Amenn!” Zot ti Loue SENYER. Lepep ti gard son parol.

Nehemi 5:6

Ler mon ti antann sa bann parol ek sa bann konplent, mon ti pran en gran lakoler.

Psonm 119:53

Mon lakoler i monte ler mon mazin bann malfeter ki pa obei ou lalwa.

Psonm 15:4

me i rezet bann malfeter, e i onor sa enn ki annan respe pour SENYER. I gard son promes, i annan en sel parol.

Egzod 34:16

Zot ava osi fer ou garson marye avek zot bann fiy ki ava antrenn ou bann zanfan e fer zot prostitye avek zot bann bondye.

Proverb 28:4

Sa enn ki abandonn lalwa, i fer loner bann malfeter; Me sa enn ki obzerv lalwa i konbat kont bann malfeter.

Ezai 50:6

Mon ti vir mon ledo avek sa bann ki ti pe fwet mwan e mon lazou avek sa bann ki ti pe aras mon labarb. Mon pa ti kasyet mon figir avek bann ki ti pe ensilte mwan e kras lo mwan.

Deterononm 6:13

Ou ava annan respe pour SENYER, ou Bondye e ou ava servi li; ou ava pret serman zis lo son non.

Deterononm 7:3

Pa fer okenn lalyans par maryaz avek zot. Pa donn ou fiy zot bann garson, ni pran zot fiy pour ou bann garson.

Zozye 23:12

Akoz si zot vir zot ledo kont li, si zot atas zot avek sa bann nasyon ki reste avek zot, si zot al fer lalyans maryaz avek zot, e si zot melanz avek zot,