Nehemi 13:2 - Labib An Kreol Seselwa

² akoz zot pa ti anmenn dipen ek delo pour bann Izraelit, e akoz zot ti pey Balaanm pour modi pep Izrael. Me nou Bondye ti tourn sa malediksyon an benediksyon.

Nehemi 13:2 ပူးပေါင်းရင်းမြစ်များ

Psonm 109:28

Ler zot modi, ou, ou beni. Zot ti atak mwan, zot ganny imilye.

Mise 6:5

Mon pep! Rapel byen konplo Balak, lerwa Moab; sa ki Balaanm, garson Beor, ti reponn li; e sa ki ti arive kan ou ti traverse depi Sitim ziska Gilgal. Alor, ou ava rekonnet laviktwar ki SENYER in fer.

Nonm 23:18

Alor, Balaanm ti pronons son profesi: Vini! Balak, garson Sipor. Ekout parol ki mon pou dir ou.

Matye 25:40

Lerwa pou reponn zot: Mon dir zot, sa i laverite: Sak fwa ki zot ti fer sa, pour enn bann pli pti parmi mon bann frer, se anver mwan, ki zot ti fer li!

Deterononm 23:3

Bann Amonit ek bann Moabit pa pou fer parti lasanble SENYER. Okenn zot bann desandan ziska dizyenm zenerasyon pa pou kapab fer parti lasanble SENYER.

Deterononm 23:4

Annefe, zot pa ti vin rankontre zot lo semen avek dipen ek delo, kan zot ti pe sorti Lezip; osi akoz zot ti pey Balaanm garson Beor, sorti Petor dan Aranm an Mezopotami pour li modi zot.

Deterononm 23:5

Me SENYER, ou Bondye pa ti ekout Balaanm; SENYER, ou Bondye ti sanz sa malediksyon an en benediksyon pour ou, akoz SENYER, ou Bondye ti kontan ou.

2 Pyer 2:15

Zot in abandonn vre semen e zot in egare lo zot larout. Zot in swiv menm semen ki Balaanm, garson Bosor ki ti kontan larzan, ki i ti gannyen pour fer lemal.