Nehemi 13:15 - Labib An Kreol Seselwa

¹⁵ Dan sa lepok, mon ti war bann zonm dan Zida pe kraz rezen zour saba, anmenn bann pake legren ki zot ti sarz lo zot bann bourik, ensi ki diven, rezen, fig e toudsort fardo ki zot ti anmenn Zerizalenm zour saba. Mon ti donn zot bann avertisman zour zot ti pe vann zot danre.

Nehemi 13:15 ပူးပေါင်းရင်းမြစ်များ

2 Kronik 24:19

SENYER ti anvoy son bann profet parmi zot, pour averti zot pour retourn kot li. Me zot pa ti ekoute.

Nehemi 10:31

pour pa aste okenn marsandiz oubyen legren ki bann zabitan sa pei ti anmennen pour vann zour saba, oubyen okenn lezot zour lafet. Nou pa pou fer okenn rekolt e nou pa pou egziz peyman okenn det tou le 7 an.

Nehemi 10:32

Nou ti osi fikse en lareg konmkwa sak lannen, nou pou donn en pyes larzan kat granm pour servis tanp nou Bondye.

Nehemi 13:16

Ti osi annan bann Tiryen ki ti pe reste dan lavil, ki ti anmenn pwason ek toudsort marsandiz ki zot ti vann zour saba avek bann zabitan Zida dan Zerizalenm.

Nehemi 13:21

Mon ti averti zot: Akoz zot pas lannwit devan miray? Si zot rekonmanse, mon pou servi lafors zot. Depi sa, zot pa ti vin ankor pandan saba.

Nehemi 9:29

Ou ti sipliy zot ankor, pour obeir ou lalwa. Me zot ti vin arogan e zot pa ti obei ou bann komannman. Zot ti fer pese kont ou bann regleman ki donn lavi sa enn ki met zot an pratik. Zot ti rebel e arogan; zot ti refize obei ou.

Liv Zob 39:12

Eski ou kapab kont lo li pour rekolte bann legren e met dan langar?

Psonm 50:7

Mon pep! Ekout mwan. Mon annan sa pour dir ou: Izrael! Mon pou temwanny kont ou. Mwan Bondye, ki ou Bondye!

Egzod 31:12

SENYER ti dir Moiz:

Egzod 31:16

Pep Izrael ava obzerv saba; zot ava selebre saba dan tou zenerasyon koman en lalyans pour touzour.

Egzod 34:21

Pandan sis zour ou ava travay, me setyenm zour, ou ava repoze. Ou ava fer saba menm pandan letan ki ou labour later e pandan larekolt.

Egzod 35:2

Travay ava ganny fer pandan sis zour; me setyenm zour pou en zour sakre, en saba, en zour repo pour SENYER. Sa enn ki travay sa zour pou ganny touye.

Proverb 28:4

Sa enn ki abandonn lalwa, i fer loner bann malfeter; Me sa enn ki obzerv lalwa i konbat kont bann malfeter.

Ezai 58:13

Si ou vey ou lepa pandan saba; si ou pa okip ou prop zafer dan mon zour sakre; si ou fer saba ou plezir e ou respekte sa zour sakre SENYER; si ou onor sa zour e pa fer ou prop volonte, ni fer ou prop zafer, e evit fer bann konversasyon initil,

Zeremi 17:24

Me si zot obei mwan, SENYER i deklare, si zot pa transport okenn pake dan lavil sa zour ki en zour repo; si zot pa fer okenn travay sa zour la,

Zeremi 17:27

Me si zot pa ekout mwan, si zot pa obzerv sa zour saba koman en zour sakre, si zot kontinyen pas avek pake dan bann laport Zerizalenm, alor mon pou met dife dan sa bann laport lavil. Sa dife ki pa pou zanmen tennyen, pou detri bann pale dan Zerizalenm.

Zeremi 42:19

SENYER in dir ou, restan lepep ki dan Zida: Pa al Lezip. Sa i en lavertisman serye ki zot gannyen ozordi.

Ezekyel 20:13

Me pep Izrael ti revolte kont mwan dan dezer. Zot pa ti swiv mon bann lalwa e zot ti rezet mon bann regleman ki zonm devre obei pour viv. Zot in montre mepri pour mon saba. Dan mon lakoler, mon ti anvi detri zot dan dezer.

Amos 8:5

Zot dir dan zot menm: I'n ler pour lafet nouvellin fini! Konmsa, nou ava kapab vann nou prodwi. I'n ler pour saba terminen! Konmsa, nou ava kapab ouver nou sak dible. Nou ava diminyen lo mezir, nou ava ogmant pri e fos bann balans.

Mise 6:3

Mon pep! Ki mon'n fer ou? Ki mon'n fer pour fatig ou? Reponn mwan!

Akt de Zapot 2:40

Pyer ti dir zot bokou keksoz ankor pour konvenk zot e ankouraz zot. I ti dir zot, “Separ zot avek sa zenerasyon koronpi.”

Akt de Zapot 20:21

Mon'n sipliy Zwif koman Grek pour tourn kot Bondye e krwar dan nou Senyer Zezi-Kri.

Galat 5:3

Mon konfirmen ankor en fwa: Tou zonm ki fer li ganny sirkonsi, i oblize met an pratik Lalwa antye.

Efezyen 4:17

Mon sipliy zot lo non Senyer: Aret viv koman sa bann ki pa konn Bondye. Zot mannyer reflesir pa vo nanryen.

Deterononm 8:19

Si ou oubliy SENYER, ou Bondye pour swiv lezot bondye, servi zot e ador zot, mon pe averti ou solannelman ozordi ki ou pou disparet.

1 Tesalonisyen 4:6

Personn pa devre fer ditor son prosen, ni tronp son frer dan sa zafer, akoz Senyer i pini bann aksyon parey. Nou'n deza averti zot lo sa size.