Nehemi 13:10 - Labib An Kreol Seselwa

¹⁰ Mon ti osi aprann ki bann levit pa ti'n resevwar zot par; ki bann levit ek bann santer ki ti responsab servis, ti'n sove sakenn dan son plantasyon.

Nehemi 13:10 ပူးပေါင်းရင်းမြစ်များ

2 Kronik 31:4

I ti donn lord ki tou zabitan Zerizalenm i donn son par ki devre vin pour pret ek levit, pour ki zot ava kapab konsakre zot letan avek lalwa SENYER.

Nehemi 10:37

Nou ti promet pour anmenn kot pret, dan bann lasal dan tanp Bondye, premye parti nou lapat lafarin, bann fri tou bann pye dibwa, diven nouvo ek delwil; Ladim lo tou prodwi later ki nou kiltive, ava ganny remet avek bann levit, akoz bann levit ki annan responsabilite pour resevwar ladim dan tou nou bann lavil.

Nehemi 10:39

Bann Izraelit ek bann levit ava anmenn bann kontribisyon dible, diven, delwil, dan sa bann lasal, la kot i annan bann lobze tanp; la osi kot ek bann pret ki servi tanp, bann portye ek bann santer i reste. Konmsa, nou pa pou abandonn tanp nou Bondye.

Nehemi 12:47

Dan lepok Zorobabel ek Nehemi, dapre lord sak zour, pep Izrael antye ti donn bann santer ek bann portye zot par. Zot ti osi donn bann levit zot porsyon sakre, e bann levit ti donn bann garson Aaron zot porsyon sakre.

Ezai 43:23

Ou pa'n anmenn ou mouton pour ofer mwan bann sakrifis konplet, ni onor mwan avek ou bann sakrifis. Mon pa'n obliz ou ofer bann lofrann ni fatig ou pour ofer lansan.

Malasi 3:8

Dir mwan, eski en zonm i kapab vol Bondye? Pourtan, zot pe vol mwan. Me zot demande: Ki mannyer nou pe vol ou? Zot pe vol mwan dan zot ladim e dan zot bann lofrann.

Nonm 35:2

Donn lord bann Izraelit pour ki dan zot par, zot donn en lavil bann levit kot pour zot reste. Zot devre osi donn laplenn otour sa bann lavil.

Deterononm 12:19

Veye ki osi lontan ki ou pe viv dan ou pei, ou pa negliz bann levit.