Nehemi 12:43 - Labib An Kreol Seselwa

⁴³ Sa zour, lepep ti ofer en kantite sakrifis, e anmiz zot, akoz Bondye ti'n donn zot en gran lokazyon pour rezouir. Bann fanm avek bann zanfan ti osi dan lazwa; tapaz selebrasyon ti ganny tande lwen an deor Zerizalenm.

Nehemi 12:43 ပူးပေါင်းရင်းမြစ်များ

2 Kronik 20:13

Alor, tou bann zonm Zida ti debout devan SENYER avek zot fanm ek zot bann zanfan.

2 Kronik 20:27

Apre sa, tou bann zonm ki sorti Zida ek Zerizalenm, avek Zozafat devan, ti retourn Zerizalenm dan lazwa, akoz SENYER ti'n delivre zot kont zot lennmi.

2 Kronik 7:10

Apre, venntrwazyenm zour, dan setyenm mwan, Salomon ti fer tou dimoun retourn kot zot. Zot ti santi zot ere e dan lazwa pour tou bann dibyen ki SENYER ti fer anver David, anver Salomon, e anver son pep, Izrael antye.

Esdras 3:13

Lepep an zeneral pa ti kapab distenge ant aklamasyon en bann, avek bann pler lezot. Annefe, sa gran tapaz lepep, ti kapab ganny tande depi tre lwen.

Nehemi 12:27

Pour linogirasyon miray Zerizalenm, zot ti fer apel bann levit dan tou bann landrwa kot zot ti reste pour zot vin Zerizalenm pour selebre linogirasyon dan lazwa par bann san ek lapriyer, avek lakonpannyman senbal, lir ek laarp.

Nehemi 12:42

e Maaseya, Semaya, Eleazar, Ouzi, Yohanann, Malkiya, Elanm ek Ezer. Bann santer ti sante anba direksyon Yizraya.

Liv Zob 34:29

Si Bondye i reste trankil, lekel ki kapab kondann li? Si i kasyet son figir, lekel sa nasyon oubyen sa zonm ki pou kapab war li?

Psonm 27:6

La anler, mon pou ganny laviktwar lo mon bann lennmi ki antour mwan. Mon pou kapab ofer bann sakrifis dan son tanp, avek laklamasyon e dan lazwa. Mon pou sante, mon pou zwe lanmizik pour SENYER.

Psonm 28:7

SENYER i mon lafors, i protez mwan. Mon met mon konfyans dan li, e i vin sekour mwan. Mon pou loue li avek bann kantik.

Psonm 9:2

Mon pou rezoui dan lazwa, mon pou loue ou non, Bondye Treo!

Psonm 92:4

SENYER! Ou bann mervey i donn mwan lazwa. Mon sant dan lazwa pour travay ki ou'n fer avek ou lanmen.

Ezai 61:3

pour met en kouronn dan plas lasann lo latet dimoun dan Siyon ki dan sagren, delwil lazwa dan plas dey, lenz lafet dan plas en lespri dekouraze. Alor, zot ava ganny apele bann pye dibwa lazistis, en plantasyon ki montre laglwar SENYER.

Zeremi 31:13

Alor, bann zenn fiy ava danse dan lazwa; zennzan ek vyeyar pou fet ansanm. Mon pou sanz zot dey an lazwa; mon pou konsol zot e sanz zot tristes an lazwa.

Zeremi 33:11

tapaz lafet, dimoun riye, bann zenn marye sante. Ou pou antann dimoun pe sante kan zot pe anmenn zot lofrann remersiman dan tanp SENYER: Loue SENYER liniver, akoz SENYER i bon, e son fidelite i pour touzour! Annefe, SENYER i deklare: Mon pou redonn sa pei son prosperite parey i ti ete avan.

Nonm 10:10

Dan bann lokazyon lafet parey nouvellin ek lezot lafet relizye, zot devre soufle bann tronpet pandan ki zot ofer zot sakrifis konplet, oubyen sakrifis remersiman. Konmsa, sa bann son tronpet ava en rapel pour zot devan zot Bondye. Mwan menm SENYER zot Bondye.

Matye 21:15

Bann gran-pret ek bann profeser Lalwa ti ankoler kan zot ti war sa bann mervey ki Zezi ti pe fer, ek tou sa bann zanfan ki ti pe kriye dan Tanp: Ozana pour Garson David!

Matye 21:9

Lafoul ki ti mars devan Zezi ek bann ki ti swiv deryer, ti kriye: Ozana pour Garson David! I ganny beni sa enn ki pe vini lo non Senyer! Ozana dan lesyel!

Levanzil dapre Zan 16:22

Pour zot osi i parey: Aprezan, zot tris; me mon pou revwar zot apre. Alor, zot leker pou ranpli avek lazwa, e personn pa pou kapab aras zot sa lazwa.

Efezyen 5:19

Ankouraz kanmarad par bann psonm, par bann kantik enspire. Sante e remersye Senyer avek tou zot leker.

Let Zak 5:13

Eski i annan ki soufer parmi zot? I devre priye. Eski i annan ki dan lazwa? I devre sant kantik.

1 Samyel 4:5

Kan Kof lalyans SENYER ti antre dan kan, pep Izrael antye ti dan lazwa e zot ti lans en gran laklamasyon; later ti tranble.