Nehemi 11:1 - Labib An Kreol Seselwa

¹ Bann sef lepep ti etabli zot dan Zerizalenm. Leres lepep ti tir osor pour swazir en dimoun lo dis pour reste Zerizalenm, lavil sakre, tandis ki nef restan, zot ava al dan lezot lavil.

Nehemi 11:1 ပူးပေါင်းရင်းမြစ်များ

1 Kronik 26:13

Zot ti tir osor par fanmir pour partaz responsabilite laport an parti egal, vye koman zenn.

1 Kronik 8:28

Sa i bann sef fanmir, dapre zot zenerasyon. Zot ti reste Zerizalenm.

1 Kronik 9:1

Tou bann Izraelit ti ganny anrezistre e zot ti ganny ekri dan Liv bann Lerwa Izrael. Zida ti ganny deporte Babilonn akoz son enfidelite anver Bondye.

1 Kronik 9:2

Premye pour etabli dan zot posesyon, dan bann lavil ti bann Izraelit, bann pret, bann levit ek bann serviter tanp.

1 Kronik 9:3

Serten bann desandan Zida, Benzamen, Efraim ek Manase ti al reste Zerizalenm:

Nehemi 10:34

Nou, bann pret, levit, ek lepep, nou ti tir osor pour konnen lekel fanmir ki devre fourni sak lannen, lo en dat fiks, dibwa ki pour bril lo lotel dan tanp SENYER, nou Bondye, parey in ekri dan lalwa.

Nehemi 11:18

Total bann levit dan lavil sakre: 284.

Nehemi 4:22

Dan sa menm letan, mon ti osi dir lepep, “Sakenn i devre pas lannwit avek son serviter dan Zerizalenm; zot ava fer santinel pour nou pandan lannwit e travay lizour.”

Psonm 122:5

La kot zot osi asiz pour rann zizman lo tronn desandan David.

Psonm 122:6

Demann lape pour Zerizalenm. Bann ki kontan ou ava viv trankil.

Proverb 16:33

Tiraz osor i fer dan en sak; me zis SENYER ki pran desizyon.

Ezai 48:2

Zot tir zot lafyerte dan lavil sen e zot depann lo Bondye Izrael ki apel SENYER liniver.

Ezai 52:1

Siyon leve! Leve! Repran kouraz. Zerizalenm! Lavil sen! Met ou bann zoli lenz. Personn ki pa'n ganny sirkonsi oubyen enpir, pa pou antre kot ou ankor.

Matye 27:53

Zot ti sorti dan zot tonbo. Apre rezireksyon Zezi, zot ti al dan Zerizalenm, kot bokou dimoun ti war zot.

Matye 4:5

Alor, dyab ti anmenn Zezi ziska Zerizalenm, e met li debout lo lapwent twa Tanp.

Akt de Zapot 1:24

Zot ti priye, “Senyer! Ou ki konn leker tou dimoun, montre nou ant sa de, lekel ki ou'n swazir,

Akt de Zapot 1:26

Zot ti tir osor pour swazir parmi sa de zonm. Matyas ti ganny swazir, e i ti pran son plas parmi sa group onz zapot.

Zozye 18:10

Zozye ti tir osor bann par pour zot dan prezans SENYER. La, Zozye ti partaz later parmi pep Izrael, dapre sa ki sakenn i devre gannyen.