Nehemi 10:39 - Labib An Kreol Seselwa

³⁹ Bann Izraelit ek bann levit ava anmenn bann kontribisyon dible, diven, delwil, dan sa bann lasal, la kot i annan bann lobze tanp; la osi kot ek bann pret ki servi tanp, bann portye ek bann santer i reste. Konmsa, nou pa pou abandonn tanp nou Bondye.

Nehemi 10:39 ပူးပေါင်းရင်းမြစ်များ

2 Rwa 7:10

Zot ti al apel en gardyen laport lavil. Zot ti dir li, “Nou'n al dan kan bann Siriyen, me ti napa personn; nou pa'n antann okenn lavwa zonm. Ti annan zis bann seval en bann bourik anmare; bann latant ti telkel.”

2 Kronik 31:11

Alor, lerwa Ezekyas ti donn lord konstri bann lasal rezerv dan tanp SENYER, e zot ti fer li.

2 Kronik 31:12

Lepep ti anmenn regilyerman zot prodwi, zot ladim ek bann lofrann sakre. Levit Konanya ti annan responsabilite pour sa bann don; son frer Simei ti asiste li.

Nehemi 12:47

Dan lepok Zorobabel ek Nehemi, dapre lord sak zour, pep Izrael antye ti donn bann santer ek bann portye zot par. Zot ti osi donn bann levit zot porsyon sakre, e bann levit ti donn bann garson Aaron zot porsyon sakre.

Psonm 122:9

Akoz tanp SENYER nou Bondye, mon swete ki ou ava ere.

Nonm 18:26

Ou ava osi dir bann levit: Ler zot resevwar ladim ki SENYER in donn zot sorti kot pep Izrael, pran en dizyenm sa ladim e ofer SENYER.

Nonm 18:30

Sa ki reste ava vin pour bann levit. Zot ava gard sa ki reste parey dan ka prodwi sereal ler pe bate ek diven ler rezen pe ganny kraze.

Deterononm 12:17

Dan bann lavil kot ou pou reste, ou pa pou osi kapab manz par lofrann dible, diven ek delwil bann premye ne ou bann troupo, ni okenn ou bann lofrann pour en ve, oubyen lofrann volonter oubyen ou bann donasyon.

Ebre 10:25

Annou pa abandonn nou lasanble parey serten parmi zot i abitye fer, me ankouraz kanmarad, sirtou la ki sa Zour Senyer pe aprose.