Nehemi 1:9 - Labib An Kreol Seselwa

⁹ Me si zot retourn ver mwan, gard mon bann komannman e met zot an pratik, menm si zot ava ganny sase tre lwen, mon pou al rod zot kot zot ete e fer zot retourn dan landrwa kot mon'n swazir pour etabli mon non.

Nehemi 1:9 ပူးပေါင်းရင်းမြစ်များ

1 Rwa 8:48

si zot repanti avek tou zot leker; si depi la, dan pei zot lennmi, zot priye dan direksyon pei ki ou'n donn zot zanset, ver lavil ki ou'n swazir e ver sa lakaz ki mon'n konstri pour ou loner,

1 Rwa 9:3

SENYER ti dir li: Mon'n antann ou lapriyer ek ou bann siplikasyon ki ou'n fer monte devan mwan. Mon konsakre sa lakaz ki ou'n konstri, en landrwa kot mon pou plas mon non pour touzour. Mon regar ek mon leker pou la toultan.

1 Kronik 16:35

Dir osi: Sov nou, Bondye nou delivrans! Rasanble e sov nou parmi bann nasyon, pour ki nou selebre ou non sen, e ki nou pran plezir pour loue ou.

Esdras 6:12

Bondye ki'n etabli son non dan sa landrwa, ava fer tonbe tou lerwa, ek tou pep ki kas sa lord, e detri tanp Bondye ki Zerizalenm! Mwan, Dariis, mon donn sa lord. Pa tarde pour ki i ganny byen egzekite.

Psonm 106:47

SENYER nou Bondye, sov nou! Rasanble nou parmi bann nasyon, pour nou kapab remersye ou non sen; pour nou pran plezir dan ou louanz.

Psonm 107:3

zot ki i'n rasanble depi bann pei etranze, depi dan Les ziska dan Was, depi dan Nor ziska dan Sid.

Psonm 147:2

SENYER i rekonstri Zerizalenm; i rasanble bann Izraelit ki annegzil.

Ezai 11:12

I pou lev en bannyer pour bann nasyon, reinir bann ki dan Izrael e rasanble pep Zida disperse dan kat kwen later.

Ezai 27:12

Sa zour, SENYER pou bat bann zepi depi larivyer Efrat, ziska larivyer Lezip. I pou rasanble zot enn par enn, pep Izrael.

Ezai 56:8

Senyer BONDYE ki rasanble bann ki'n ganny rezete dan Izrael i deklare: Mon pou rasanble lezot ankor avek sa bann ki'n ganny deza rasanble.

Zeremi 12:15

Me apre ki mon'n derasin zot, mon pou pran pitye ankor pour zot tou. Mon pou retourn avek zot dan zot pei, sakenn dan son teritwar.

Zeremi 3:14

Retourn kot mwan, pep enfidel. Akoz mwan ki zot SENYER, mon pou pran enn parmi zot dan sak lavil, de parmi zot ki sorti dan sak fanmir, e mon pou fer zot retourn Siyon.

Zeremi 31:10

Tou bann nasyon! Ekout parol SENYER e al proklanm li dan bann zil elwannyen: SENYER ki ti dispers Izrael, pou aprezan rasanble li. I pou vey lo li parey en berze i gard son troupo.

Zeremi 32:37

Mon pou rasanble zot depi tou bann pei kot mon ti'n dispers zot dan mon lakoler. Mon pou fer zot retourn isi kot zot ava viv an sekirite.

Zeremi 6:22

La sa ki SENYER i deklare: En pep ki sorti dan Nor pe vini; sa i en gran nasyon ki sorti byen lwen.

Ezekyel 14:6

Pour sa rezon, dir pep Izrael: La sa ki Senyer BONDYE i deklare: Retournen! Kit zot bann zidol. Abandonn tou zot bann pratik degoutan.

Ezekyel 36:24

Mon pou retir zot parmi bann nasyon; mon pou rasanble zot dan tou bann pei kot zot ete e anmenn zot dan zot pei.

Levitik 26:3

Si zot swiv mon bann regleman, si zot gard mon bann komannman e met zot an pratik,

Zakari 8:7

La sa ki SENYER liniver i deklare: Mon pou sov mon pep ki dan bann pei Les e dan bann pei Was.

Matye 24:31

I pou anvoy son bann lanz avek en gran tronpet. Zot ava rasanble bann ki'n ganny swazir dan kat kwen later, depi en bout ziska lot.”

Deterononm 12:21

Si landrwa kot SENYER, ou Bondye ava swazir pour etabli son non i tro lwen avek ou landrwa reste, e ki parey mon'n ordonn ou fer, ou touy en zannimo parmi ou bann troupo parey SENYER in donn ou, alor, ou ava kapab manz sa lavyann kot ou, e kan ou anvi.

Deterononm 12:5

Me zot ava rod sa landrwa ki SENYER, zot Bondye ava swazir parmi zot bann tribi, pour ki son non i reste prezan, partou kot zot ava ale.

Deterononm 30:1

Kan tousala ava'n realize avek ou, bann benediksyon ek bann malediksyon ki mon'n met devan ou, ou ava reflesi la kot SENYER, ou Bondye in dispers ou parmi bann nasyon;