Nehemi 1:4 - Labib An Kreol Seselwa

⁴ Kan mon ti antann sa bann parol, mon ti asiz e plere. Pandan plizyer zour, mon ti pe port dey, e mon ti kontinyen zene e priye devan Bondye ki dan lesyel.

Nehemi 1:4 ပူးပေါင်းရင်းမြစ်များ

2 Samyel 12:16

David ti sipliy Bondye an faver sa zanfan: I ti fer en zenn. Ler i ti retourn se li, i ti dormi ater tou lannwit.

2 Rwa 22:19

Akoz ou leker in touse, e ou'n imilye ou devan SENYER, ler ou ti antann sa ki mon'n dir lo sa landrwa ek son bann zabitan ki zot pou dan dezolasyon e anba malediksyon; akoz ou'n desir ou lenz e plere devan mwan, mwan osi mon'n ekout ou. SENYER ki deklare.

2 Kronik 6:13

Lerwa Salomon ti'n fer li en lestrad an bronz de met edmi sak kote e en met edmi oter, ki i ti plas dan milye lakour. I ti mont lo la, met li azenou an fas avek lasanble pep Izrael antye, e lev son lanmen ver lesyel.

Esdras 1:2

La sa ki Siris, lerwa Lapers i proklanmen: SENYER, Bondye lesyel, in donn mwan lotorite lo tou bann rwayonm lo later. In ordonn mwan konstri en tanp pour li Zerizalenm, dan pei Zida.

Esdras 10:1

Letan Esdras ti pe priye e konfes son pese an pleran devan tanp Bondye, en gran lafoul dimoun: Zonm, fanm, ek zanfan sorti parmi pep Izrael antye, ti rasanble otour li, e zot ti plere asodlarm.

Esdras 9:3

Ler mon ti antann sa, mon ti desir mon lenz ek mon manto. Mon ti aras mon seve ek mon labarb. Mon ti asiz ater, dan en gran dezespwar.

Esdras 9:5

Kan ler sakrifis aswar ti arive, mon ti leve dan mon leta sagren, avek mon bann lenz desire, mon ti tonm azenou, mon ti lev mon lanmen ver SENYER, mon Bondye.

Nehemi 2:20

Mon ti reponn zot, “Bondye dan lesyel ki pou fer nou reisi. Nou son bann serviter, nou pou konmans rekonstri lavil. Me zot, zot napa okenn par ladan, okenn drwa, napa nanryen pour zot dan Zerizalenm.”

Nehemi 2:4

Lerwa ti dir mwan, “Ki ou annan pour demann mwan?” Alor mon ti priy Bondye dan lesyel.

Psonm 102:15

Bann nasyon pou annan respe pour non SENYER; tou bann lerwa lo later pou respekte son laglwar.

Psonm 136:26

Loue Bondye ki dan lesyel, akoz son fidelite i dire pour touzour.

Psonm 137:1

Lo bor bann larivyer Babilonn, kot nou ti pe asize, nou ti plere ler nou ti mazin Siyon.

Danyel 10:2

Dan sa letan, mwan Danyel, mon ti an dey pandan trwa semenn.

Danyel 2:18

I ti demann zot pour rod konpasyon Bondye lesyel, konsernan sa rev mister, pour ki zot pa fer disparet Danyel ek son bann zanmi, ansanm avek leres bann saz dan Babilonn.

Danyel 9:3

Mon ti tourn ver Senyer Bondye, pour trouv solisyon par lapriyer ek siplikasyon, par zenn, abiye dan lenz dey ek lasann.

Zonas 1:9

I ti dir zot, “Mon en Ebre e mon ador SENYER, Bondye lesyel ki'n kree lanmer ek later.”

Sofoni 3:18

Mon pou rasanble bann ki ti dan sagren, lwen avek bann lafet. Mon pou ekart maler lwen avek ou, pour ki ou nepli kouver avek laont.

Romen 12:15

Rezoui avek sa enn ki dan lazwa, e pran lapenn avek sa enn ki dan lapenn.