Nehemi 1:3 - Labib An Kreol Seselwa

³ Zot ti dir mwan, “Bann sirvivan laba dan provens, ki'n sov deportasyon, i viv dan gran mizer ek laont; miray Zerizalenm in fann an morso, e bann laport in ganny detri par dife.”

Nehemi 1:3 ပူးပေါင်းရင်းမြစ်များ

1 Rwa 9:7

mon pou retir Izrael dan sa pei ki mon'n donn zot, e mon pou rezet sa Lakaz ki mon'n konsakre pour mon non. Izrael ava vin en size ridikil e en fab parmi bann nasyon.

2 Rwa 25:10

Tou bann gerye Babilonyen avek li, ti demoli bann miray ki ti antour Zerizalenm.

2 Kronik 36:19

Zot ti met dife dan tanp e demoli miray Zerizalenm. Zot ti met dife dan bann pale e detri tou bann lobze presye.

Esdras 2:1

La bann dimoun ki ti sorti dan bann provens ki Naboukodonozor, lerwa Babilonn, ti anmenn annegzil Babilonn e ki ti retourn Zerizalenm ek Zida, sakenn dan son prop lavil.

Esdras 5:8

Nou pe fer ou konnen ki nou ti al dan provens Zida kot tanp gran Bondye. Sa tanp pe ganny rekonstri avek bann pyer taye, e avek dibwa par anndan miray. Travay pe ganny fer avek swen. I pe progres rapidman dan zot lanmen.

Nehemi 11:3

La bann sef provens ki ti vin reste Zerizalenm. Dan bann lavil Zida, sakenn ti viv lo son propriyete, dan son lavil: Izrael, bann pret, bann levit, bann serviter tanp, fanmir bann serviter Salomon.

Nehemi 2:13

Mon ti sorti pandan lannwit par Laport Vale, pas sours Dragon ek Laport Fimyen. Mon ti enspekte bann miray Zerizalenm ki ti'n ganny met ater ek son bann laport ki dife ti'n detri.

Nehemi 2:17

Alor mon ti dir zot, “Zot war maler ki nou ladan: Zerizalenm in vin en ta debri e tou son bann laport in ganny detri par dife. Leve, annou rekonstri miray Zerizalenm pour ki nou ava nepli dan laont.”

Nehemi 2:3

Mon ti reponn lerwa, “Viv lerwa pour touzour! Mon annan rezon tris, akoz lavil kot mon bann zanset in ganny antere, in ganny abandonnen e son bann laport in ganny detri par dife.”

Nehemi 7:6

La bann dimoun sorti dan bann provens ki ti monte sorti annegzil, bann ki Naboukodonozor, lerwa Babilonn, ti'n deporte, e ki ti'n retourn Zerizalenm e dan Zida, sakenn dan son lavil.

Ester 1:1

Sa ti ariv dan letan Zerzes, sa menm lerwa Zerzes ki ti renny lo 127 provens, depi Lenn ziska Letyopi.

Psonm 79:4

Nou ganny ensilte par bann nasyon vwazen; zot gognard nou, zot riy nou.

Proverb 25:28

Sa enn ki pa kapab kontrol son lakoler i parey en lavil san defans, san okenn miray.

Ezai 43:28

Alor, mon'n dezonor bann sef ki ti dan sanktyer. Mon'n livre Zakob pour li ganny detri konpletman e Izrael pou fini dan laont.

Ezai 5:5

Aprezan, les mwan dir zot ki mon pou fer avek mon plantasyon rezen: Mon pou tir bann klotir e les li ganny devore. Mon pou kas son bann miray e les li ganny kraze anba lipye.

Zeremi 24:9

Mon pou fer en tel maler tonm lo zot, ki tou nasyon lo later pou tranble avek lafreyer. Dimoun pou mepriz zot, rakont zistwar lo zot, ridikiliz zot, asosye zot non avek en malediksyon.

Zeremi 29:18

Mon pou kontinyen pourswiv zot avek lager, lafanmin e lepidemi, de sort ki tou bann rwayonm lo later ava tranble avek lafreyer kan zot ava war tousala. Partou kot mon pou dispers zot, dimoun pou soke e zot pou per kan zot ava war sa ki'n ariv zot. Dimoun pou mepriz zot e zot non pou vin en malediksyon.

Zeremi 39:8

Antretan, Bann Babilonyen ti met dife avek pale rwayal ek lakaz bann zabitan. Zot ti osi kraz miray ki protez Zerizalenm.

Zeremi 42:18

Annefe, la sa ki SENYER liniver, Bondye Izrael i deklare: Sa lakoler ki mon ti devers lo zabitan Zerizalenm, mon pou fer li tonm lo zot, si zot al Lezip. Zot pou antre dan proverb malediksyon e pour ensilte dimoun. Zanmen zot pou revwar sa pei ankor.

Zeremi 5:10

Mont lo bann miray, detri plantasyon rezen, me pa konpletman. Koup son bann brans akoz zot pa pour SENYER.

Zeremi 52:14

Tou bann gerye Babilonyen ki ti avek li, ti demoli tou bann miray ki antour Zerizalenm.

Lamantasyon 1:7

Dan son bann zour maler, Zerizalenm i mazin tou sa bann trezor ki i ti annan dan letan pase. Kan son pep ti tonm dan lanmen lennmi, ti napa personn pour ed li. Lennmi ti get li tonbe e zot ti riy avek kontantman.

Lamantasyon 2:9

Bann gran laport in ganny met ater. Bann fermtir in ganny kase an morso. Lerwa ek son bann zofisye in ganny anvoye annegzil. Lalwa nepli ganny ansennyen; bann profet nepli ganny vizyon sorti kot SENYER.

Lamantasyon 3:61

SENYER! Ou'n antann zot bann ensilt, e tou zot bann konplo kont mwan.

Lamantasyon 5:1

SENYER! Pa oubliy sa ki'n arive avek nou; Zet ou regar lo nou, e get nou dezoner!

Levitik 26:31

Mon pou fer zot bann lavil vin en ta debri, devaste zot bann sanktyer; mon pa pou aksepte loder zot bann lofrann.

Levitik 26:33

Mon pou dispers zot parmi bann nasyon e anvoy lager kont zot. Zot pei pou vin en dezolasyon e zot bann lavil ava vin en ta debri.