Nehemi 1:2 - Labib An Kreol Seselwa

² enn mon bann frer, Hanani, ti arive avek detrwa zonm sorti Zida. Mon ti kestyonn zot konsernan serten Zwif sirvivan ki ti'n sove dan deportasyon, e konsernan Zerizalenm.

Nehemi 1:2 ပူးပေါင်းရင်းမြစ်များ

Zenez 14:10

Ti annan en kantite pwi goudron dan vale Sidim e kan bann lerwa Sodonm ek Gomor ti pe sove, zot ti tonm dan sa bann pwi. Bann sirvivan ti sov dan montanny.

2 Rwa 24:14

I ti deport tou bann zabitan Zerizalenm, tou bann elit ek tou bann vayan gerye. An tou 10,000 egzile, san kont tou bann artizan ek bann ki fer serir; ti reste zis bann pli pov dan pei.

2 Rwa 25:12

Me sef bann gard rwayal ti kit deryer serten parmi bann ki pli pov dan pei, pour okip bann plantasyon rezen e koman bann kiltivater.

Esdras 9:14

Eski nou pou kapab rekonmans kas ou bann komannman e alye nou avek sa pep ki pratik sa bann aksyon degoutan? Eski pa avek rezon ki ou ankoler kont nou, ziska ekstermin nou tou, san les okenn sirvivan?

Nehemi 7:2

Mon ti donn mon bann lord avek mon frer Hanani, e avek Hananya, sef sitadel Zerizalenm, ki ti en zonm fidel ki ti annan gran respe pour Bondye, plis ki bokou lezot.

Zeremi 44:14

Konmsa, bokou parmi sa bann ki ti ankor vivan dan pei Zida e ki'n al reste Lezip pa pou kapab sove, ni sov zot lavi, sof en pti group refizye.

Ezekyel 6:9

Bann sirvivan ava mazin mwan parmi bann nasyon kot zot pou viv koman bann egzile. Zot ava rapel ki mannyer mon'n detri zot, avek zot leker enfidel ki'n abandonn mwan e zot lizye ki'n reste fikse lo sa bann zidol. Zot pou ganny repinyans pour zot prop lekor, akoz bann aksyon degoutan ki zot in komet.

Ezekyel 7:16

Si okenn sirvivan i sov dan montanny, zot tou, parey pizon ki plennyen, zot pou zemir akoz zot pese.