Nahoum 3:19 - Labib An Kreol Seselwa

¹⁹ Napa okenn remed pour ou blesir. Ou bann blesir i mortel. Tou sa ki pou antann ou nouvel, pou bat lanmen. Annefe, personn pa'n kapab sap ou bann kriyote san lafen.

Nahoum 3:19 ပူးပေါင်းရင်းမြစ်များ

Liv Zob 27:23

Zot bat lanmen, ler zot war li; kot i ale zot sifle avek li.

Ezai 37:11

Ou menm ou konnen tou sa ki lerwa Asiri in fer dan tou sa bann pei: I'n detri zot konpletman. Eski ou pou ganny delivre?

Ezai 37:18

I vre, SENYER! Bann lerwa Asiri in detri bann nasyon ek zot bann pei.

Zeremi 10:22

Ekout sa nouvel: En gran boulversman pe vini sorti dan Nor; i pou transform bann lavil Zida e fer zot vin parey en dezer kot zis zannimo sovaz ki pou reste.

Zeremi 30:12

La sa ki SENYER i deklare: Ou maladi pa kapab ganny swannyen, ou blesir pa kapab geri.

Zeremi 46:11

Bann Ezipsyen! Monte ziska Galaad pour zot rod en latizann ki pou geri zot bann blesir. Me sa pa servi dan nanryen akoz zot bann blesir pa pou geri.

Lamantasyon 2:15

Dimoun ki pase pe bat lanmen deryer ou, Zerizalenm. Zot sifle, zot sekwe zot latet, zot riy ou. Sanmenm sa lavil ki ti labote parfe; ki ti fer lazwa later antye?

Ezekyel 25:6

La sa ki Senyer BONDYE i deklare: Akoz ou'n bat lanmen, ou'n danse, ou'n pile, ou'n selebre depi dan fon ou leker lo maler Izrael,

Zonas 1:2

“Leve e al Niniv, sa gran lavil e anons en lavertisman kont li, akoz mon'n war tou sa bann move keksoz ki zot pe fer.”

Mise 1:9

Annefe, son boubou i san okenn gerizon. I'n fannen ziska Zida; i'n ariv kot laport mon pep, ziska Zerizalenm.

Revelasyon 13:7

I ti ganny permisyon fer lager kont pep Bondye e ganny laviktwar lo zot. I ti ganny pouvwar lo tou tribi, pep, lalang ek tou nasyon.

Revelasyon 17:2

Bann lerwa later in livre zot dan prostitisyon avek li e tou zabitan later in soule avek diven son prostitisyon.

Revelasyon 18:20

Lesyel! Rezoui lo son larin! Zot osi, pep Bondye, bann zapot, ek bann profet! Rezoui! Bondye in ziz li pour sa ki i'n fer zot.