Nahoum 3:15 - Labib An Kreol Seselwa

¹⁵ La, dife pou detri ou; ou pou ganny masakre par lepe. Ou pou ganny devore parey sotrel. Ou zabitan i enn lo lot parey bann sotrel!

Nahoum 3:15 ပူးပေါင်းရင်းမြစ်များ

Ezai 66:15

Annefe, dan dife ki SENYER pe vini; son bann kales i parey en siklonn; pour satisfer son gran lakoler, i pini zot dan laflanm dife.

Ezai 66:16

Annefe, SENYER pou egzekit son zizman dan dife e son pinisyon pour lo tou dimoun; SENYER pou masakre en kantite zot!

Zeremi 51:14

SENYER liniver in fer serman lo li menm: Mon pou anvoy en kantite zonm dan Babilonn, parey en lesen sotrel e zot ava sant sanson laviktwar lo ou.

Zoel 1:4

Lesen sotrel, enn apre lot, in apoz lo zot plantasyon. Tou sa ki en lesen pa'n fini manze, en lot in devore. Tou sa ki en lesen in kit deryer, en lot lesen in detri.

Zoel 2:25

Mon pou ranplas tou sa ki zot in perdi, devore par sotrel, senir, kasbol, mon gran larme, ki mon'n anvoy lo zot.

Amos 7:1

La sa ki Senyer BONDYE ti montre mwan: I ti pe prepar en lesen sotrel. Sa ti zis ler zerb ti pe konmans repouse apre ki i ti'n ganny koupe pour lerwa.

Nahoum 2:13

La sa ki SENYER liniver i deklare: Mon kont ou, e mon pou fer ou bann kales lager vin lafimen; ou bann zenn lyon pou ganny masakre. Mon pou aras ou tou sa ki ou ti pran lo later. Zot pa pou antann lavwa ou bann mesaze ankor.

Nahoum 3:13

Gete, ou bann gerye, parey bann fanm, nepli kapab lager. Bann laport ou pei i gran ouver pour ou bann lennmi; dife in detri bann fermtir.

Sofoni 2:13

SENYER pou lev son lanmen kont bann zabitan dan Nor e fer disparet Asiri. I pou fer Niniv vin en landrwa devaste, sek parey dezer.