Nahoum 3:11 - Labib An Kreol Seselwa

¹¹ Ou osi, ou pou sou e ou pou drive. Ou pou rod en landrwa kasyet kont lennmi.

Nahoum 3:11 ပူးပေါင်းရင်းမြစ်များ

Psonm 75:8

SENYER i tenir dan son lanmen en lakoup ranpli avek diven for, byen fermante; i pou donn en pe bann malfeter lo later. Zot pou bwar ziska lanmar.

Ezai 2:10

Al dan bann kap ros e kasyet zot anba later, lwen avek lafreyer SENYER, lwen avek laglwar son pwisans.

Ezai 2:19

Al dan bann kavern ros e dan bann trou anba later, lwen avek lakoler SENYER, e laglwar son mazeste, ler i pou leve pour sekwe later.

Ezai 29:9

Reste etonnen! Pa dir nanryen! Gard lizye fermen! Pa war nanryen! Vin sou, me san bwar diven! Drive, san ki ou'n bwar labwason for!

Ezai 49:26

Mon pou fors bann ki kraz ou, manz zot prop laser e bwar zot prop disan konmsi diven. Alor, tou et vivan ava konnen ki mwan menm zot SENYER, zot Sover e zot Redanmter, Bondye pwisan dan Zakob.

Ezai 63:6

Dan mon lakoler, mon'n kraz bann nasyon anba mon lipye; mon'n kraz zot dan mon lakoler; mon'n fer koule zot disan.

Zeremi 4:5

Al anonse dan Zida! Dir zot: Al proklanmen dan Zerizalenm! Soufle tronpet atraver pei! Kriy byen for avek bann zabitan: Rasanble zot; annou al kasyet dan bann lavil fortifye.

Zeremi 51:57

Mon pou soul son bann sef, son bann saz, son bann gouverner, son bann gerye. Zot pou al dormi pour touzour e zot pa pou zanmen lev ankor, sa enn ki Lerwa, ki apel SENYER liniver i deklare.

Zeremi 8:14

Lepep i demande: Akoz nou reste la, san nanryen fer? Annou regroup nou dan bann lavil fortifye e esper lanmor pran nou. SENYER, nou Bondye in deside les nou mor. In donn nou delo anpwazonnen pour bwar, akoz nou'n fer pese kont li.

Oze 10:8

Bann landrwa sakre Aven, la kot Izrael in fer pese, pou ganny detri. Rons ek pikan pou pous lo zot bann lotel. Zot pou dir avek montanny: Kouver nou! Avek kolin: Tonm lo nou!

Amos 9:3

Si zot al kasyet lo montanny Karmel, mon pou al rod zot e atrap zot. Si zot esey al kasyet dan fon lanmer, mon pou ordonn serpan lanmer pour mord zot.

Mise 7:17

Zot pou manz lapousyer parey serpan, ek lezot reptil. An tranblan, zot pou sorti dan zot fortres pour al ver SENYER, nou Bondye. Zot pou dan lafreyer, zot pou per ou.

Nahoum 1:10

Annefe, zot in vin parey brousay avek pikan ki'n anpaye. Zot in soule avek labwason. Zot pou ganny konpletman brile parey lapay sek.

Nahoum 2:1

Pep Niniv! En larme pe monte pour atake. Met bann solda lo miray defans. Vey bann semen. Rasanble tou ou lafors.

Levanzil dapre Lik 23:30

Alor, dimoun pou dir avek montanny: Tonm lo nou! E avek kolin: Kouver nou!

1 Samyel 13:6

Kan Bann zonm Izrael ti war ki zot ti dan difikilte akoz lepep ti'n ganny kwense, zot ti al kasyet dan bann kavern, dan bann trou, anba ros, dan souteren e dan bann sitern.

1 Samyel 14:11

Alor, tou le de ti prezant zot devan post bann Filisten. Bann Filisten ti dir, “Gete! La bann Ebre pe sorti dan bann trou kot zot ti pe kasyet.”