Nahoum 3:10 - Labib An Kreol Seselwa

¹⁰ Malgre sa, zabitan Teb ti ganny anvoye annegzil. Son bann zanfan ti ganny kraze an pti morso dan tou bann kwen semen. Zot ti tir osor pour bann dimoun enportan; bann sef ti ganny ansennen.

Nahoum 3:10 ပူးပေါင်းရင်းမြစ်များ

2 Rwa 8:12

Azael ti demande, “Akoz mon senyer pe plere?” I ti reponn, “Akoz mon konn tou sa bann move keksoz ki ou pou fer pep Izrael. Ou pou bril zot bann lavil fortifye, ou pou masakre zot bann zennzan, ou pou kraz zot bann zanfan e ouver vant bann fanm ansent.”

Liv Zob 6:27

Zot kapab mans lo latet en orfelen; menm fer larzan lo ledo zot zanmi.

Psonm 137:8

Babilonn! Ou pe al ganny detri. Byennere sa bann ki pou tret ou parey ou ti tret nou!

Psonm 137:9

Byennere sa enn ki pou pran ou bann pti zanfan e kraz zot lo ros.

Psonm 149:8

pour atas bann lerwa avek lasenn e zot bann sef avek bann lasenn an fer;

Ezai 13:16

Zot bann zanfan pou ganny kraze devan zot, zot lakaz pou ganny sakaze e zot bann fanm pou ganny vyole.

Ezai 13:6

Lamante! Akoz zour SENYER i pros. I pe vini parey en dezas ki'n ganny anvoye par Bondye pwisan.

Ezai 19:4

La sa ki Senyer BONDYE, SENYER liniver i deklare: Mon pou livre bann Ezipsyen dan lanmen en met kriyel, en lerwa feros ki pou renny lo zot.

Ezai 20:4

lerwa Asiri pou pran bann Ezipsyen prizonnyen e deport bann Nibyen, zenn ek vye, san sandal, touni, zot deryer deor. Sa pou en laont pour Lezip.

Lamantasyon 2:19

Leve e Kriye tou lannwit. Vid ou leker devan SENYER, parey delo. Lev ou lanmen ver SENYER i ava sov lavi ou bann zanfan ki pe mor lafen dan tou kwen semen.

Lamantasyon 4:1

Gete! Lor nepli klate! Lor pir in melanze! Bann ros sorti dan miray tanp i fannen dan tou kwen semen.

Ezekyel 29:7

Ler zot atrape, i ava zis kase e bles zot dan zot zepol. Ler zot apiy lo ou, ou zis kase e fer zot lazanm tranble e paraliz zot.

Oze 13:16

Samari pou pey konsekans son krim, akoz in revolte kont Bondye. Zot pou ganny masakre; pti baba pou ganny kraze; fanm ansent pou ganny ouver vant.

Zoel 3:3

Zot in tir osor lo mon pep. Zot in vann bann zennzan, pour pey bann prostitye. Zot in vann bann zenn fiy, pour pey diven ki zot in bwar.

Amos 1:13

La sa ki SENYER i deklare: Akoz sa kantite krim pep Amonit, mon pa pou sanz mon desizyon: Akoz zot in fann vant bann fanm ansent pour zot agrandi zot teritwar dan Galaad,

Abdyas 1:11

Sa zour ki ou ti reste alekar, lennmi ti pran tou larises. Bann etranze ti antre e tir osor pour Zerizalenm. Ou osi, ou ti fer parey zot.