Nahoum 2:2 - Labib An Kreol Seselwa

² SENYER pou retabli laglwar desandan Zakob ensi ki grander Izrael, malgre bann bandi ti'n deza fini depouy li.

Nahoum 2:2 ပူးပေါင်းရင်းမြစ်များ

Psonm 47:4

In swazir en patri pour nou, ki fer lafyerte Zakob ki i kontan.

Ezai 60:15

Otrefwa, ou ti'n ganny abandonnen, ai, deteste, san personn pas kot ou. Me aprezan, mon pou fer ou vin gran pour touzour, en rezon selebrasyon pour bann zenerasyon pour touzour.

Zeremi 25:29

Annefe, mon pou konmans detri mon prop lavil kot mon non i ganny envoke. Pa krwar ki zot pa pou ganny inosante. Zot osi, zot pou ganny pini, e mon pou anvoy dezas lo tou bann zabitan lo later, SENYER liniver i deklare.

Zeremi 48:11

Depi son zenes, Moab in touzour viv trankilman. Zanmen in ganny anvoye annegzil. Moab i parey diven ki son lanmar in poze. Zanmen in ganny vide dan diferan resipyan. I pa'n zanmen perdi son parfen. In gard son bon gou.

Zeremi 49:9

Dimoun ki vin ranmas grap rezen, pa pran tou rezen. Kan voler i vini dan lannwit, i pran zis sa ki i oule.

Ezekyel 37:21

Dir zot: La sa ki Senyer BONDYE i deklare: Mon pou retir pep Izrael parmi bann nasyon kot zot in disperse; mon pou rasanble zot sorti dan tou kote e anmenn zot dan zot prop pei.

Ezekyel 37:23

Zot pou nepli rann zot enpir ankor par zot bann zidol e par zot bann aksyon degoutan, ni par tou lezot pese. Me mon pou delivre zot dan tou bann landrwa kot zot in fer pese kont mwan. Mon pou pirifye zot; zot ava vin mon pep e mon ava vin zot Bondye.

Oze 10:1

Izrael ti parey en pye rezen ki ti prodwi bokou fri. Pli i ti prospere, pli i'n ogmant bann lotel zidol. Pli son pei i zoli, pli i'n anbeli bann ros sakre.

Nahoum 2:10

Tou in ganny vole; tou in kase; tou in ganny kraze! Bann leker in perdi kouraz, zenou i tranble, lafors in afebli, bann figir in vin pal!

Nahoum 3:14

Ranpli delo pour prepar zour batay; repar ou bann fortres; brouy later pour fer blok; pran moul pour fer blok.

Sofoni 3:11

Sa zour, ou pou nepli onte akoz ou bann move aksyon ki ti fer ou revolte kont mwan. Mon pou fer disparet parmi zot, tou bann ki fyer e arogan. Ou ava arete montre ou lorgey lo mon montanny sen.