Nahoum 2:12 - Labib An Kreol Seselwa

¹² Lyon i desir zannimo an morso pour son femel ek son bann piti. I ranpli son kavern avek lavyann son bann viktim ki i'n desire an morso.

Nahoum 2:12 ပူးပေါင်းရင်းမြစ်များ

2 Samyel 17:8

I ti azoute, “Ou konn tre byen ou papa ek son bann zonm: Zot bann gerye; zot ankoler parey en lours ki'n perdi son piti dan lakanpanny. Ou papa i en gerye; i pa pou pas lannwit avek lepep.

Psonm 17:12

Zot parey en zenn lyon ki'n kasyet dan brousay, parey en lyon ki'n pare pour devore.

Zeremi 51:34

Naboukodonozor, lerwa Babilonn, in devor mwan e in anval mwan. In les mwan parey en resipyan vid. Parey en mons, in anval mwan. In ranpli son vant avek sa ki i ti anvi e in zet sa ki ti reste.

Nahoum 2:11

Ki'n arive avek Niniv sa landrwa kot bann lyon ti reste? Ki'n arive avek sa kavern bann zenn lyon, kot lyon, femel lyon ek piti lyon ti pronmnen, san ki zot ganny deranze?

Nahoum 2:13

La sa ki SENYER liniver i deklare: Mon kont ou, e mon pou fer ou bann kales lager vin lafimen; ou bann zenn lyon pou ganny masakre. Mon pou aras ou tou sa ki ou ti pran lo later. Zot pa pou antann lavwa ou bann mesaze ankor.

Nonm 23:24

Zot en pep ki debout parey en zannimo feros. I dres debout parey en lyon. I pa al dormi avan ki i'n fini devor son viktim e bwar disan tou sa ki i'n touye.