Nahoum 1:4 - Labib An Kreol Seselwa

⁴ I komann lanmer e lanmer i vin sek; i fer sek tou bann larivyer. Laplenn Basann ek Karmel i deperi; fler Liban i fletri.

Nahoum 1:4 ပူးပေါင်းရင်းမြစ်များ

Zenez 8:1

Bondye ti mazin Noe ek tou bann zannimo sovaz ek zannimo domestik ki ti avek li dan lars. I ti fer en divan soufle lo later e delo ti konmans desann.

2 Samyel 22:16

SENYER! Devan ou bann menas, devan tanpet ou lakoler, fon lanmer ti aparet e fondasyon later ti ganny ekspoze.

Liv Zob 38:11

Mon ti dir avek lanmer: Ou ava ariv ziska la, me pa pli lwen. Lorgey ou bann gro laroul pou aret isi.

Psonm 104:7

Ler ou ti reprimann zot, zot ti fannen; zot ti taye ler zot ti antann tapaz ou loraz.

Psonm 106:9

I ti komann lanmer Rouz e lanmer ti vin sek. I ti fer zot travers dan fon lanmer, konmsi zot ti pe travers dezer.

Psonm 114:3

Lanmer ti sove ler i ti war sa; larivyer Zourden ti kile.

Psonm 114:5

Lanmer! Ki'n arive avek ou pour ou sove? Larivyer Zourden! Akoz ou rekile?

Psonm 18:16

Alor, depi lao dan lesyel, SENYER ti anvoy lanmen e atrap mwan. I ti tir mwan dan sa gran kouran delo.

Psonm 74:15

Ou ki'n fer koule bann sours delo ek bann larivyer, ou'n fer sek bann gran larivyer ki pa zanmen sek.

Ezai 33:9

Pei i an dey, i pe langir; Liban i ganny kouver avek laont, i pe deperi; Laplenn Saronn in vin parey en dezer; Bann pye dibwa lo montanny Basann ek Karmel in perdi zot fey.

Ezai 42:15

Mon pou detri bann montanny ek bann kolin e fer sek tou sa ki pouse. Mon pou fer bann larivyer vin zil e fer sek bann lanmar.

Ezai 44:27

Mwan ki dir avek losean: Vin sek. Mon pou fer sek bann larivyer.

Ezai 51:10

Pa ou ki ti fer lanmer ek delo dan losean sek? Ou menm ki ti tras en semen dan profonder lanmer pour fer traverse bann ki ti'n ganny sove.

Ezekyel 30:12

Mon pou fer sek bann brans larivyer Nil e vann pei avek bann malfeter. Mon pou servi bann nasyon etranze pour detri sa pei ek tou sa ki ladan. Mwan SENYER mon'n koze.

Ezekyel 38:20

Pwason dan lanmer, zwazo dan lezer, bann zannimo sovaz, sa ki ranpe lo later, tou bann imen, pou tranble devan mon prezans. Montanny pou afese, ros dan montanny pou degrengole, tou miray pou degrennen.

Amos 1:2

Amos ti dir: SENYER i kriye depi Siyon, e i fer antann son lavwa depi Zerizalenm. I annan dezolasyon dan laplenn. Latet montanny Karmel i sek.

Amos 5:8

SENYER ki ti kree bann zetwal: Pleyad ek Orion. SENYER i sanz lannwit e fer li vin lizour e lizour vin lannwit. I apel delo lanmer e devers li lo later. SENYER i son non.

Matye 8:26

Zezi ti dir zot, “Akoz zot per? Zot napa lafwa!” Apre, i ti leve, e i ti reprimann divan ek delo lak, e movetan ti kalmi.

Zozye 3:16

delo ti aret koule, e delo ki pli o ti reste an plas lo en long distans ziska Adan, en lavil ki akote Sartann. Par anba, delo larivyer ki ti pe koul dan direksyon lanmer Araba, lanmer Mor, ti konpletman sek. Alor, lepep ti travers vizavi Zeriko.