Nahoum 1:10 - Labib An Kreol Seselwa

¹⁰ Annefe, zot in vin parey brousay avek pikan ki'n anpaye. Zot in soule avek labwason. Zot pou ganny konpletman brile parey lapay sek.

Nahoum 1:10 ပူးပေါင်းရင်းမြစ်များ

2 Samyel 13:28

Absalon ti donn sa lord son bann serviter, “Vey byen ler Amnon i soule avek diven, e mon ava dir: Tap Amnon! Zot ava touy li. Pa per, mwan ki donn zot lord. Pran kouraz, montre ki zot brav.”

Psonm 118:12

Zot ti antour mwan parey mous dimyel. Me zot ti tennyen parey en dife zerb sek; lo non SENYER, mon ti demont zot.

Psonm 68:2

Parey lafimen, ou fer zot disparet. Parey lasir devan dife, ou fer zot fonn. Bann malfeter pou disparet devan Bondye.

Egzod 15:7

Dan grander ou mazeste, ou detri ou lennmi. Ou anvoy ou lakoler e zot ganny brile parey lapay.

Egzod 5:12

Alor, lepep ti al partou dan Lezip pour ranmas lapay e koup an morso.

Ezai 27:4

Mon nepli pran lakoler kont li. Me si i vin bann zarbis ki annan pikan, mon pou lager kont zot e mon pou bril zot,

Ezai 47:14

Zot parey lapay; en dife pou bril zot; zot pa pou kapab sape dan pouvwar son laflanm. Sa, pa labrez kot ou kwi dipen, ni dife kot ou asiz devan.

Ezai 5:24

Pour sa rezon, parey dife i devor lapay e zerb sek i disparet dan laflanm, zot pou pouri par zot rasin, e zot bann fler pour vin lapousyer, akoz zot in rezet lansennyman SENYER liniver e zot in mepriz Parol Bondye Sen Izrael.

Ezai 56:12

Zot dir: Vini! Annou al rod diven. Annou soul nou avek labwason for. Demen pou parey ozordi; bwar pa pou manke.

Ezai 9:18

Mesanste i alimen parey en dife ki bril bann zarbis pikan. I ravaz bann brousay dan lafore e fer en gro lafimen monte.

Zeremi 51:39

Pour satisfer zot gran lapeti, mon pou prepar en gran festen pour zot, kot zot ava bwar ziska ler zot pou sou. Kan zot ava al dormi, zot pa pou zanmen leve, SENYER i deklare.

Zeremi 51:57

Mon pou soul son bann sef, son bann saz, son bann gouverner, son bann gerye. Zot pou al dormi pour touzour e zot pa pou zanmen lev ankor, sa enn ki Lerwa, ki apel SENYER liniver i deklare.

Mise 7:4

Sa enn ki meyer parmi zot i parey rons. Sa enn ki pli onnet i pir ki en zarbis pikan. Sa zour rann kont ki bann santinel in anonse, in arive. Aprezan, zot dan konfizyon.

Nahoum 3:11

Ou osi, ou pou sou e ou pou drive. Ou pou rod en landrwa kasyet kont lennmi.

Malasi 4:1

SENYER liniver i deklare: La sa zour pe arive. I pou so parey en dife kot tou bann arogan ek bann malfeter pou brile parey lapay. Sa zour, zot pou bril tou konpletman, san les ni rasin ni brans.

1 Samyel 25:36

Ler Abigail ti ariv kot Nabal, ti annan en festen rwayal kot li. I ti dan lazwa e konpletman sou. Alor, i pa ti dir li nanryen ziska bomaten.