Mise 7:2 - Labib An Kreol Seselwa

² Dimoun ki fidel in disparet dan pei. Nepli annan en sel dimoun onnet. Zot tou, zot pe tranpe pour fer koule disan. Sakenn in met en pyez kont son prosen.

Mise 7:2 ပူးပေါင်းရင်းမြစ်များ

Psonm 10:9

Parey en lyon, i kasyet an sekre dan brousay. I espere pour li atrap en malere. Kan in atrap li, i trenn li dan son latrap.

Psonm 12:1

SENYER! Mon kriy osekour. Tou dimoun fidel in disparet. Nepli annan personn ki ou kapab fer konfyans.

Psonm 12:2

Dimoun i koz manti avek kanmarad. Zot flat avek zot labous, me zot leker pa senser.

Psonm 57:6

Zot ti'n met en latrap lo mon semen pour fer mwan pliye. Zot ti'n fouy en trou lo mon semen, me zot menm ki'n tonm ladan.

Proverb 1:11

Si zot dir ou: Vin avek nou, annou al kasyet pour fer disan koule; annou atak bann inosan dan sekre.

Proverb 12:6

Parol bann malfeter i en latrap mortel; me parol bann ki drwat i delivre zot.

Ezai 3:5

Dimoun pou ganny kraze vwazen kont vwazen. Bann zenn pou ensolan anver bann vyeyar; bann bonnaryen pou maltret dimoun respektab.

Ezai 57:1

Bann zis i ganny detri e personn pa pran ka. Bann fidel i disparet e personn pa konpran. Annefe, bann ki fidel anver Bondye pe disparet, anglouti dan maler.

Ezai 59:7

Zot lipye i prese pour al fer sa ki mal; zot degaze pour fer koule disan inosan; zot mazin zis fer sa ki mal; zot semen i borde avek dezas ek dezolasyon.

Ezai 9:19

Akoz lakoler SENYER liniver, pei in ganny brile; son prop pep in pran dife; personn pa pe pran pitye pour son prosen.

Zeremi 16:16

La sa ki SENYER i deklare: Mon pe anvoy en kantite peser ki pou lepidemi zot. Apre sa, mon pou anvoy en kantite saser ki pou debiste zot dan montanny, dan kolin e dan bann kap ros.

Zeremi 5:16

Son bann fles i senm lanmor; i annan bann gerye profesyonnel.

Zeremi 5:26

Parmi mon pep, i annan bann ki koupab. Zot parey bann saser zwazo. Zot tal zot lasenn e veye, zot kasyet pour zot atrap dimoun.

Zeremi 8:6

Mon'n byen ekout zot: Zot pa'n dir laverite. Personn pa'n regret son bann move aksyon. Personn pa'n demande: Ki mal mon'n fer. Sakenn i kontiny son prop semen, parey en seval fou dan konba.

Lamantasyon 4:18

Nou pa ti kapab sorti dan semen, akoz lennmi ti pe espyonn lo nou. Nou lafen ti pros; nou zour ti'n ganny konte. Lafen nou lavi ti'n arive.

Ezekyel 22:12

Kot ou, i annan ki aksepte larzan pour fer koule disan, ki pret larzan, egziz gro lentere e eksplwat zot prosen pour anrisi zot. Me mwan, zot in oubliy mwan, Senyer BONDYE ki deklare.

Ezekyel 24:6

Alor, la sa ki Senyer BONDYE i deklare: Maler lo sa lavil ranpli avek disan. I parey en marmit rouye; larouy in enkriste ladan e i pa oule sorti. Tir bann morso enn apre lot san ki ou bezwen swazir.

Oze 5:1

Bann pret, ekoute! Pep Izrael, port byen atansyon! Bann lerwa, ekoute! Sa zizman i pour zot, akoz zot ti en pyez dan Mispa. Zot ti en latrap ki'n ganny zete lo montanny Tabor.

Oze 6:9

Parey bann bandi, bann pret ti pare pour atake, zot touy dimoun lo semen Sikenm. Sa i en laont.

Mise 2:8

Me ou dres ou koman lennmi mon pep. Ou vol lenz bann ki pas anpe, bann ki pase sorti lager avek konfyans.

Mise 3:10

Zot konstri Siyon dan disan e Zerizalenm lo lenzistis.

Mise 3:2

Me zot ay sa ki byen e zot kontan sa ki mal. Zot aras lapo lo mon pep, ek laser lo zot lezo.

Zakari 11:6

La sa ki SENYER i deklare: Mon pou nepli annan pitye pour bann zabitan later. Mon pou fer sakenn zot tonm dan lanmen son vwazen e sakenn zot dan lanmen son lerwa. Bann lerwa pou devaste later e mon pa pou delivre personn dan zot lanmen.

Akt de Zapot 24:9

Bann Zwif ti zwenn ansanm pour konfirmen ki tou sa bann akizasyon ti vre.

1 Samyel 24:11

Gete! Get bout ou rob dan mon lanmen, ou kapab rekonnet e war ki mon napa move lentansyon ni anvi revolte kont ou. Mon pa'n komet sa krim kont ou; pourtan, ou pe rod mwan pour pran mon lavi.

1 Samyel 26:20

Alor, pa les mwan mor lwen avek prezans SENYER. Lerwa Izrael in sorti avek en larme pour al rod en pti pis, konmsi i pe al lasas en perdri dan montanny.”