Mise 7:18 - Labib An Kreol Seselwa

¹⁸ Napa bondye ki parey ou, SENYER; ou efas fot e pardonn pese restan ou pep. Ou pa gard ou lakoler pour touzour, me ou pran plezir montre ou fidelite.

Mise 7:18 ပူးပေါင်းရင်းမြစ်များ

Zenez 4:7

Si ou fer sa ki byen, ou ava refer, si ou pa fer sa ki byen, pese pou dormi devan ou laport. Me ou, fodre ou kontrol li.”

1 Rwa 8:23

I ti dir: SENYER, Bondye pep Izrael, napa okenn Bondye parey ou, dan lesyel lao, ni anba lo later. Ou gard ou lalyans ek ou fidelite anver ou bann serviter ki mars devan ou avek tou zot leker.

2 Kronik 30:9

Si zot retourn ver SENYER, alor bann ki pe gard zot frer ek zot zanfan prizonnyen, ava pran konpasyon pour zot e ava les zot retourn dan zot pei. SENYER zot Bondye i bon e i ranpli avek konpasyon. I pa pou detourn kont zot, si zot retourn ver li.

2 Kronik 6:21

Ekout mon lapriyer ek lapriyer ou pep Izrael ki nou adres ver ou, kot ou prezans i ete. Ekout nou, depi lesyel kot ou reste! Ekout nou e pardonn nou.

Nehemi 9:17

Zot ti refize obei e zot ti oubliy bann mervey ki ou ti fer parmi zot. Zot ti revolte e dan zot revolt, zot ti swazir en sef pour retourn dan zot lesklavaz Lezip. Me ou en Bondye ki pare pour pardonnen; ou bon, ou annan konpasyon, pasyans, gran fidelite, e ou pa ti abandonn zot,

Psonm 103:13

Parey en papa i annan konpasyon pour son bann zanfan, SENYER i annan konpasyon pour sa enn ki obei li.

Psonm 130:4

Me pardon i kot ou, e nou ava annan respe pour ou.

Psonm 35:10

Dan pli profon mon leker, mon pou dir: SENYER! Napa personn parey ou! Ou protez sa enn ki feb, kont sa enn ki for. Ou protez sa enn ki pov e ki ganny imilye, kont sa bann ki eksplwat li.

Psonm 65:3

Pwa mon fot i tro lour pour mwan. Ou pou pardonn tou nou pese.

Psonm 65:4

I byennere sa enn ki ou swazir pour anmenn viv dan ou sanktyer! Nou pou rasazye avek tou bann bon keksoz ki sorti kot ou dan ou tanp sakre.

Psonm 71:19

Mon Bondye! Ou lazistis i sitan gran ki i tous lesyel. Mon Bondye! Ou'n fer telman gran mervey! Mon Bondye! Lekel ki parey ou?

Psonm 86:15

Me ou SENYER! Ou en Bondye ki annan konpasyon e ki pran pitye. Ou pasyan; ou fidelite e ou bonte i gran.

Psonm 86:5

SENYER! Ou bon e ou pare pour pardonnen. Ou fidelite i gran pour dimoun ki kriy ver ou.

Psonm 89:6

Lekel dan lesyel ki parey SENYER? Lekel parmi bann zabitan dan lesyel ki parey SENYER?

Psonm 89:8

SENYER, Bondye liniver! Lekel ki osi pwisan ki ou, SENYER? Ou fidelite i antour ou.

Egzod 15:11

Lekel parmi bann bondye ki parey ou, SENYER? Lekel ki parey ou, e briye avek sentete, e ki fer bann mervey?

Egzod 34:9

I ti dir, “SENYER! Si vreman mon'n ganny ou faver, mon sipliy ou pour mars avek nou, akoz latet sa pep i dir. Ou pou pardonn nou, nou fot ek nou pese e aksepte nou koman ou posesyon.”

Ezai 1:18

SENYER in deklare: Aprezan vini, annou diskite: Si zot bann pese i rouz, zot pou vin blan parey lannez. Menm si zot rouz fonse, zot pou vin blan parey lalenn.

Ezai 33:24

Personn pa pou dir: Mon malad! Bann zabitan Zerizalenm pou ganny pardonnen zot pese.

Ezai 38:17

Mon lanmertim ti sirman pour mon prop boner ki mon ti dan latristes. Dan ou lanmour pour mwan, ou'n anpes mwan tonm dan lafos destriksyon; ou'n zet mon bann pese lwen deryer ou.

Ezai 40:18

Avek ki alor ou pou konpar Bondye? Lekel ki resanble li?

Ezai 40:25

Avek ki alor ou pou konpar Bondye? Lekel ki resanble li? Bondye Sen i demande.

Ezai 43:25

Pourtan, mwan, mwan menm, par mon prop pwisans, mon pardonn tou ou fot e mon pou oubliy tou ou bann pese.

Ezai 44:22

Mon'n balye ou bann fot parey en nyaz e ou bann pese parey en brouyar. Retourn kot mwan akoz mon'n sov ou.

Ezai 55:7

Bann move dimoun devre sanz zot mannyer viv. Bann ki mazin fer sa ki mal devre abandonn zot move lespri e retourn ver SENYER ki ava pran konpasyon pour zot, ver nou Bondye, akoz i pardonn tou avek zenerozite.

Ezai 57:10

Zot in fatige afors marse, me zot pa dir: Mon'n ganny ase! Zot lanvi in repran zot; alor, zot pa'n santi lafatig.

Ezai 57:16

Mon pa pou touzour akize, mon pa pou touzour ankoler, pour ki ni bann lespri ni souf bann kreatir ki mon'n kree ava afebli devan mwan.

Ezai 62:5

Parey en zennonm i marye avek en zenn fiy, sa enn ki'n kree ou pou marye avek ou. Parey en nouvel marye i fer lazwa son mari, ou pou fer lazwa ou Bondye.

Ezai 64:9

SENYER, pa pran tro lakoler! Pa toultan mazin nou pese. Plito, konsider nou tou koman ou pep.

Ezai 65:19

Mon pou fer Zerizalenm vin sours mon lazwa e mon pou pran plezir dan mon pep. Pou nepli antann tapaz plere, ni bann kri detres dan Zerizalenm.

Zeremi 3:12

Alor Zeremi! Al anons sa mesaz avek tou bann zabitan dan Nor. Mwan SENYER ki deklare: Izrael enfidel, retourn kot mwan. Mon pa pou kontinyen pran lakoler avek ou akoz mwan SENYER, mon annan pitye pour ou. Mon pa pou gard lakoler avek ou pour touzour, SENYER i deklare.

Zeremi 3:5

Ou pou gard rankin kont mwan pour touzour? Sanmenm ki ou ti dir. Me ou'n kontinyen avek tou ou bann forfe, e ou'n reisi kantmenm.

Zeremi 31:20

La sa ki SENYER i deklare: Efraim! Ou menm mon garson prefere. Ou menm ki mon pli kontan. Sak fwa ki mon menase pour pini ou, mon kontinyen mazin ou an byen. Akoz mon annan bokou lanmour pour ou, mon pou pran pitye pour ou SENYER i deklare.

Zeremi 31:34

Personn pa pou bezwen enstri son prosen oubyen son frer, SENYER i deklare, akoz zot tou, depi pli pti ziska pli gran, pou konn mwan. Mon pou pardonn zot fot, e oubliy zot pese, SENYER i deklare.

Zeremi 32:41

Mon pou pran plezir fer zot dibyen. Mon pou met tou mon leker e mon et antye pour ki zot enstal zot definitivman dan sa pei.

Zeremi 33:8

Mon pou pirifye zot kont tou zot fot ki zot in komet kont mwan. Mon pou pardonn zot, zot bann fot ek rebelyon kont mwan.

Zeremi 38:8

Alor, Ebed-Melek ti sorti dan pale; i ti al war lerwa:

Zeremi 50:20

Kan sa zour i arive e dan sa letan, SENYER i deklare, ou pou rod fot Izrael, me ou pa pou trouve. Ou pou rod pese Zida, me ou pa pou war, akoz mon pou pardonn sa restan Izrael ki mon'n eparnyen.

Zeremi 9:24

Si en dimoun i oule fer vantar, fer li akoz i ase malen pour konn mwan. Mwan, SENYER, mon azir avek fidelite, lazistis e avek drwatir. Sanmenm sa ki fer mwan plezir. SENYER i deklare.

Ezekyel 18:23

Senyer BONDYE i deklare: Eski zot krwar i fer mwan plezir war lanmor bann malfeter? Sa ki mon oule, se ki plito zot abandonn zot bann move pratik e ki zot viv.

Ezekyel 33:11

Osi vre ki mwan Senyer BONDYE, mon vivan, mon pa anvi ki en peser i mor, me sa ki mon anvi war, se ki i sanz son move konportman e ki i viv. Pep Izrael! Sanze, sanz ou move lavi. Pour ki rezon ou devre mor?

Ezekyel 33:16

Tou son bann pese lepase pa pou konte. Akoz i'n obei lalwa ek lazistis, i pou viv.

Danyel 9:9

Senyer, nou Bondye, ou pran konpasyon e ou pardonnen; pourtan nou'n revolte kont ou.

Oze 14:2

Anmenn parol avek ou e retourn kot SENYER. Dir li: Pardonn tou nou bann krim; aksepte sa ki bon; dan plas toro, nou ofer ou bann fri nou labous.

Oze 14:5

Mon pou vin en laroze pour Izrael; i pou fleri parey en lis; i pou pran rasin parey pye dibwa dan lafore Liban.

Zoel 2:32

Sa zour la, sa enn ki envok SENYER, ava ganny sove, parey SENYER in promet Zerizalenm, lo montanny Siyon. Pou annan parmi bann sirvivan, en restan pep ki SENYER in apele.

Amos 1:11

La sa ki SENYER i deklare: Akoz sa kantite krim pep Edonm, mon pa pou sanz mon desizyon. Akoz zot ti sas zot frer avek lepe, san pran okenn konpasyon, zot ti kontinyen dan zot lakoler e kontinyelman gard rankin.

Amos 7:8

SENYER ti poz mwan sa kestyon: Amos, ki ou war? Mon ti reponn, “En filaplon.” Alor, SENYER ti dir mwan, “Mon pe servi sa filaplon pour montre mon pep ki i parey en miray ki pa daplon. Mon pa pou eparny li.

Amos 8:2

SENYER ti demann mwan, “Amos, ki ou war?” Mon ti reponn “En pannyen fri mir.” Alor, SENYER ti dir mwan: Letan lafen pour mon pep Izrael, in arive. Mon pa pou eparny li.

Zonas 4:2

I ti priy SENYER: SENYER! Sanmenm ki mon ti dir letan mon ti ankor dan mon pei. Pour sa rezon ki mon ti prefere sove pour al Tarsis, akoz mon konnen ki ou en Bondye ki bon e ranpli avek pitye, touzour pare pour pardonnen, ou pa pran lakoler vitman, ou ranpli avek lanmour e ou pa kontan fer ditor personn.

Mise 2:12

Mon pou rasanble zot, desandan Zakob! Mon pou rasanble leres pep Izrael! Mon pou rasanble zot parey bann mouton dan berkay, koman en troupo dan laplenn. Zot pou form en lafoul tapazer.

Mise 4:7

Avek sa bann ki bwete, mon pou fer en restan; avek bann ki ti'n ganny rezete, mon pou fer en nasyon for. Alor, SENYER pou vin zot lerwa pour touzour.

Mise 5:3

Pour sa rezon, Bondye pou abandonn zot, ziska letan ki akouse dan douler. Alor, leres son bann frer ava retournen pour zwenn avek pep Izrael.

Mise 7:14

SENYER! Avek ou baton berze, kondwir ou pep. I pe reste tousel dan lafore, parmi bann pye fri. Parey dan letan lontan, anmenn li dan bann laplenn Basann, dan Galaad.

Sofoni 3:17

SENYER, ou Bondye i la avek ou, koman en gerye ki donn laviktwar. I dan gran lazwa akoz ou. Dan son lanmour, i pou donn ou en nouvo lavi; dan lazwa, i selebre akoz ou.

Nonm 23:21

I pa'n war okenn maler dan Zakob. I pa war okenn lenzistis dan Izrael. SENYER, zot Bondye i avek zot. I'n ganny proklanmen ki li menm li zot lerwa.

Levanzil dapre Lik 15:32

I tou zis ki nou fete e kontan, akoz ou frer ki ti'n mor i'n reganny lavi, i ti'n perdi e i'n ganny retrouve.”

Levanzil dapre Lik 24:47

Repantans ek pardon pese pou ganny anonse dan son non avek tou nasyon, an konmansan par Zerizalenm.

Romen 11:4

Me ki Bondye ti reponn li? “Mon'n rezerv pour mwan 7,000 zonm ki pa'n pliy zenou devan Baal.”

Deterononm 33:26

Moiz ti dir ankor: Yesouroun! Personn pa parey Bondye. I travers bann nyaz pour li vin sekour ou.

Let Zak 2:13

Annefe, Bondye pou san pitye kan i pou ziz sa enn ki pa'n pran pitye pour lezot. Me sa enn ki annan pitye, napa nanryen pour li per zizman.

Ziz 10:16

Bann Izraelit ti debaras zot avek bann bondye etranze parmi zot e konmans servi SENYER ki ti pran pitye pour soufrans pep Izrael.