Mise 7:16 - Labib An Kreol Seselwa

¹⁶ Bann nasyon pou war sa e zot pou onte malgre zot gran lafors. Zot pa pou konnen ki pou dir e fer konmsi zot pa tande.

Mise 7:16 ပူးပေါင်းရင်းမြစ်များ

Liv Zob 21:5

Get mwan byen! Zot ava etonnen; reste trankil, lanmen devan labous.

Liv Zob 40:4

Mon en nanryen ditou. Ki mon kapab reponn ou? Mon poz mon lanmen lo mon labous.

Psonm 126:2

Alor, nou pa ti arete riye, nou ti kriy avek lazwa. Alor, parmi lezot nasyon zot ti dir: SENYER in fer bann gran mervey pour zot!

Proverb 30:32

Apre ki ou'n ase fou pour vant ou lekor, ou'n reflesi, met ou lanmen lo labous:

Ezai 26:11

SENYER! Ou lanmen in leve, me zot pa war. Kan zot ava war sa gran pasyon ki ou annan pour ou pep, zot ava kanmi. Dife ki'n ganny alimen pour bann lennmi ava bril zot.

Ezai 52:15

Bokou nasyon pou reste etonnen; bann lerwa pou ferm zot labous devan li akoz zot pou war sa ki pa ti'n anonse, zot ava konpran sa ki zot pa ti'n zanmen tande.

Ezai 66:18

Mon konn sa ki zot fer e sa ki zot mazinen. Mon pe vin rasanble tou bann nasyon e tou bann pep. Zot pou vini e zot pou war mon laglwar.

Ezekyel 38:23

Konmsa ki mon pou montre tou nasyon ki mon en Bondye gran e sen. Alor, zot ava konnen ki mwan menm SENYER.

Mise 3:7

Bann ki predir lavenir, pou dan konfizyon, bann deviner pou dan laont! Zot tou, zot pou reste kozpa, akoz Bondye pa reponn zot.

Mise 5:8

Alor, parmi bann nasyon nonbre, leres desandan Zakob, pou koman en lyon parmi bann zannimo lafore, parey en zenn lyon dan en troupo mouton. Partou kot i pase, i kraz e desir son bann viktim, san ki personn i kapab vin delivre zot.

Agze 2:22

Mon pe al fer tonbe bann lerwa e detri pwisans bann rwayonm lo later. Mon pou detri bann gerye avek zot kales lager ek zot bann kavalye. Bann kavalye pou masakre kanmarad.

Zakari 12:9

Sa zour, mon pou fer tou pou detri tou bann nasyon ki vin atak Zerizalenm.

Romen 3:19

Nou konnen ki tou sa ki Lalwa i dir, i dir pour sa bann ki viv anba lalwa. Konmsa, personn pa kapab ouver labous pour eskiz li, e lemonn antye ava ganny rekonnet koupab devan Bondye.

Revelasyon 11:18

Bann nasyon ti met zot ankoler. Me aprezan, ou lakoler ki'n monte. Letan pour ziz bann mor in arive. Letan pour rekonpans ou bann serviter bann profet, tou bann ki pour ou, e ki annan respe pour ou non, gran koman pti, in arive. Letan pour detri bann ki detri later, in arive!