Mise 7:11 - Labib An Kreol Seselwa

¹¹ Sa zour, ou bann miray pou ganny rekonstri. Sa menm zour, ou bann teritwar pou agrandi.

Mise 7:11 ပူးပေါင်းရင်းမြစ်များ

Nehemi 2:17

Alor mon ti dir zot, “Zot war maler ki nou ladan: Zerizalenm in vin en ta debri e tou son bann laport in ganny detri par dife. Leve, annou rekonstri miray Zerizalenm pour ki nou ava nepli dan laont.”

Nehemi 2:8

Donn mwan osi en let pour Asaf, gardyen lafore rwayal, pour ki i fourni mwan dibwa pour fer bann laport sitadel ki pre avek tanp, pour miray lavil e pour lakaz kot mon pou reste.” Lerwa ti aksepte sa ki mon ti'n demann li, akoz mon ti anba proteksyon Bondye.

Nehemi 4:3

Tobiya, en Amonit, ki ti akote li ti dir, “Sa miray ros ki zot pe konstri! Si menm en renar i sot lo la, i pou kas li!”

Nehemi 4:6

Alor, nou ti rekonstri miray, e nou ti fer li ariv ziska lanmwatye son oter. Lepep ti'n met tou son leker dan sa travay.

Ezai 54:11

Zerizalenm! Ou ki malere! Ou ki tanpet in sekwe e ki pa'n ganny okenn konsolasyon! Mon pe al ranplas ou fondasyon avek marb, e refer ou fondasyon avek pyer presyez.

Ezai 54:2

Agrandi lespas ou latant, fer rido ou lakaz pli larz; pa ezite pour ou fer li; redi byen bann lakord ou latant; anter byen son bann pike!

Ezai 58:12

Alor, ou ava repar bann lavil ki'n tonm anrin; ou pou rekonstri fondasyon bann zenerasyon pase. Dimoun pou apel ou: Sa enn ki repar bann miray grennen, e restor bann semen e rann lavil abitab.

Ezai 61:4

Zot pou rekonstri lo vye fondasyon zot pou relev bann landrwa devaste depi lontan; zot pou refer bann lavil anrin ki'n ganny dezerte depi plizyer zenerasyon.

Danyel 9:25

Pran kont alor, e konpran: Apartir sa lord pour retabli e rekonstri Zerizalenm, ziska konsekrasyon en sef, ou ava kont set semenn. Pandan 62 semenn, lavil ek son miray pou ganny rekonstri, me dan en letan difisil.