Mise 7:1 - Labib An Kreol Seselwa

¹ Gran maler lo mwan! Mon'n vin parey sa enn ki, apre rekolt fri lete, apre ki lasezon rezen in fini, napa en sel grap pour manze, ni en sel fig kont sezon ki mon kontan.

Mise 7:1 ပူးပေါင်းရင်းမြစ်များ

Psonm 120:5

Maler pour mwan, en etranze parmi bann barbar e ki reste parmi bann sovaz!

Proverb 20:6

Bokou dimoun i dir ki i fidel; me lekel ki kapab trouv en zonm sir?

Ezai 17:6

Pa pou reste bokou keksoz dan Izrael. Sa pei pou parey en pye zoliv apre rekolt, ler in ganny sekwe pour ranmas son fri e i reste anler dan leker apre rekolt, detrwa fri e dan brans ki pli gran, ankor detrwa dan bann bout brans. SENYER Bondye Izrael ki deklare.

Ezai 24:13

La ki mannyer pei pou ete e ki pou arive parmi bann nasyon: I pou parey pye zoliv ki'n ganny plimen pandan letan rekolt, parey letan dernyen grap rezen in ganny rekolte.

Ezai 24:16

Bann ki sorti lwen pou sant louanz, e laglwar, an loner Bondye lazistis. Me mwan, mon dir ki mon'n perdi; mon'n perdi. Maler lo mwan! Bann tret in trai! Traizon! Wi! Bann tret in trai!

Ezai 28:4

E sa fler sek ki ti ornman son labote ki lo latet sa enn ki gonfle avek manze gra, pou parey en fig mir avan sezon. Premye ki war li i sot lo li e manz li deswit.

Ezai 6:5

Alor, mon ti dir: Maler lo mwan! Fini pour mwan! Mon en zonm avek lalev enpir, e mon pe viv parmi en pep ki lalev i enpir; mon lizye in war Lerwa, SENYER liniver!

Zeremi 15:10

Mon en zonm malere! Akfer mon manman ti met mwan omonn? Tou dimoun dan pei, i kont mwan e zot dispit avek mwan. Pourtan, mon pa'n pret larzan personn, e mon pa'n demann personn pret mwan larzan. Me tou dimoun pe modi mwan.

Zeremi 24:2

Dan en pannyen, ti annan bann zoli fig ki ti'n mir avan rekolt. Dan lot pannyen, ti annan bann fig ki ti'n gate, ki ti nepli bon pour manze.

Zeremi 4:31

Annefe, mon'n antann kriye konmsi en manman ti pe ganny son premye baba. Sa ti Zerizalenm ki ti pe kriye pour esey pran respirasyon. Lanmen anler, i pe kriye: Maler i lo mwan! Zot pe vin touy mwan!

Zeremi 45:3

Ou ti dir: Maler! SENYER in azout douler lo mon lapenn. Mon fatige afors plennyen. Mon napa repo.

Zeremi 5:1

Zabitan Zerizalenm! Patrol dan bann lari lavil! Ouver zot lizye! Gete dan bann plas piblik! Gete si zot war en sel dimoun ki fer sa ki drwat e ki esey reste fidel anver Bondye. Si ou reisi, alor SENYER ava pardonn Zerizalenm.

Oze 9:10

Mon ti trouv pep Izrael konmsi zot ti rezen dan dezer. Mon ti war zot zanset konmsi ti bann premye fig lo pye. Me zot ti al ver Baal-Peor. Zot ti konsakre zot avek en lobze laont, zot in vin degoutan parey sa bann lobze ki zot kontan.

Nonm 18:13

Tou lofrann premye rekolt ki ganny anmennen kot SENYER i vin pour ou. Tou manm dan ou fanmir ava kapab manze.