Mise 6:8 - Labib An Kreol Seselwa

⁸ Ou ki en imen, SENYER in fer ou konnen sa ki byen. La sa ki SENYER i demann ou fer: Respekte lazistis, montre labonte, mars dan limilite avek ou Bondye.

Mise 6:8 ပူးပေါင်းရင်းမြစ်များ

Zenez 18:19

Annefe, mon'n swazir li, pour li ansenny son bann zanfan ek son desandans apre li, pour zot gard komannman SENYER dapre lazistis ek ladrwatir. Konmsa, SENYER ava akonpli sa ki i'n promet Abrahanm.”

Zenez 5:22

Apre nesans Matousalenm, Henok ti viv e mars avek Bondye ankor 300 an. I ti ganny ankor lezot garson ek fiy.

2 Kronik 30:11

Pourtan, detrwa dimoun dan tribi Aser, Manase ek Zabilon ti rekonnet zot tor e zot ti al Zerizalenm.

2 Kronik 32:26

Me, malgre son larogans, Ezekyas ti anfen imilye li avek tou bann zabitan Zerizalenm. Lakoler SENYER ti apeze e i pa ti reazir kont zot pandan renny Ezekyas.

2 Kronik 33:19

Son lapriyer e lafason ki Bondye ti ekout li, son bann pese ek lenfidelite anver Bondye in ganny ekri dan Liv Listwar Hozai. Sa liv i osi donn non bann landrwa kot Manase ti konstri bann landrwa sakre, kot i ti plas bann poto sakre ek bann stati, avan son imilyasyon.

2 Kronik 33:23

I pa ti imilye li devan SENYER parey son papa, Manase. I ti komet bokou plis fot ankor.

2 Kronik 34:27

Ou leker in ganny touse e ou'n imilye ou devan mwan ler ou ti antann tou sa bann parol kont Zerizalenm e kont son bann zabitan. Ou'n imilye ou devan mwan, ou'n desir ou lenz e ou'n plere. Alor, mwan osi mon'n antann ou, SENYER i deklare.

Nehemi 9:13

Ou ti osi desann lo montanny Sinai. Depi lesyel, ou ti koz avek zot; ou ti donn zot bann regleman drwat, bann lalwa vre, bann lalwa ek bann komannman parfe.

Psonm 101:1

Mon pou sant ou fidelite ek ou lazistis. Mon pou sant pour ou SENYER.

Psonm 112:4

Menm dan fernwanr, lalimyer i briye pour bann ki drwat. I ranpli avek konpasyon; i bon e i zis.

Psonm 112:9

Zot in donn avek bonker; zot in donn bann pov. Zot lazistis i reste pour touzour Zot lafors i ogmante avek loner.

Psonm 37:26

Tou le zour i montre zenerozite e i prete; son bann zanfan i en benediksyon.

Psonm 73:28

Me pour mwan, kan mon apros avek Bondye, mon dan lazwa. Mon swazir Senyer BONDYE pour mon labri e mon pou rakont tou son bann byenfe.

Proverb 21:3

SENYER i prefer ladrwatir ek lazistis, plito ki bann sakrifis.

Eklezyas 12:13

Ekout konklizyon tousala: Annan respe pour Bondye e obei son komannman. La sa ki tou et imen i devre fer.

Ezai 56:1

La sa ki SENYER i deklare: Gard lazistis, e pratik sa ki drwat, akoz mon delivrans i pros pou arive. Mon plan pour sov ou pou ganny devwale.

Ezai 57:15

La sa ki sa enn ki plase tre, tre o, ki son demer i dan leternite, ki port non Sen i deklare: Mon reste lao dan en landrwa ki sen, me osi avek bann ki'n ganny kraze, osi avek bann ki'n ganny abese; pour relev lespri bann ki'n ganny kraze, pour relev lespri bann ki'n ganny abese.

Ezai 66:2

Tou sa ki egziste, se mon lanmen ki'n fer; alor, tousala i pour mwan. Me mon pran pitye pour sa ki malere, sa ki dan dekourazman, sa ki annan gran respe pour mon parol. SENYER ki deklare.

Zeremi 22:16

I ti defann drwa bann pov ek bann malere, e tou keksoz ti mars byen. Sa enn ki azir dan sa fason, i montre ki i kontan mwan, SENYER.

Zeremi 22:3

Pratik lazistis e fer tou dapre ladrwatir. Delivre malere ki pe ganny vole. Pa bezwen eksplwat bann etranze, bann orfelen oubyen bann vev; pa servi vyolans e pa touy dimoun inosan dan sa landrwa.

Zeremi 9:23

La sa ki SENYER i deklare: En dimoun saz pa devre vant son lasazes. Sa enn ki for pa devre vant son lafors. Sa enn ki ris pa devre fer vantar avek son larises.

Lamantasyon 3:26

I bon ki nou esper an silans, delivrans ki sorti kot SENYER.

Ezekyel 16:63

Alor, ou ava rapel lepase e ou ava kanmi avek laont san oze ouver labous. Me mwan, mon pou pardonn ou pour tou sa ki ou'n fer. Senyer BONDYE ki'n deklare.

Ezekyel 33:14

Si mon dir en malfeter ki sirman i pou mor e sa dimoun i kit son move lavi, konmans abandonn son pese e viv dapre lalwa pour fer sa ki byen,

Danyel 4:37

Aprezan mwan, Naboukodonozor, mon loue e mon elev lerwa lesyel! Akoz tou son bann mervey i vre e son bann aksyon i zis. I annan pouvwar abes bann ki ranpli avek lorgey.

Oze 12:6

Me ou, ou devre retourn kot ou Bondye, pratik lanmour e annan respe pour lazistis; touzour met ou lesperans dan ou Bondye.

Oze 6:6

Lanmour ki mon oule, pa sakrifis zannimo. Mon prefer konnesans Bondye, pa sakrifis konplet.

Levitik 26:41

zot ava konpran ki mwan osi, mon'n opoz zot e anmenn zot dan pei zot bann lennmi. Si zot imilye zot e aksepte pinisyon pour zot pese,

Amos 5:24

Plito, fer lazistis koule parey delo, e ladrwatir parey en larivyer, ki pa zanmen sek!

Mise 6:9

SENYER i koz avek zabitan lavil: I pou sov sa enn ki annan respe pour son non. Ekoute! Tribi Zida e zot lasanble dan lavil!

Sofoni 2:3

Rod SENYER! Zot tou bann dimoun senp dan pei, bann ki azir avek drwatir. Rod lazistis ek limilite! Petet, zot ava ganny proteze, zour lakoler SENYER.

Zakari 7:9

La sa ki SENYER liniver i deklare: Rann bann vre zizman; pratik labonte ek konpasyon antre zot.

Matye 5:3

Byennere bann ki konnen zot pov, akoz Rwayonm lesyel i pour zot!

Matye 5:7

Byennere bann ki annan konpasyon pour lezot, akoz Bondye pou annan konpasyon pour zot!

Levanzil dapre Lik 10:42

En sel keksoz i neseser. Mari in swazir sa meyer par ki personn pa pou ganny pran avek li.”

Levanzil dapre Lik 11:42

Me maler lo zot, bann Farizyen! Zot ki donn en dizyenm parti lo lanmant, lo tou zepis ek legim, me zot negliz lazistis ek lanmour Bondye. I neseser ki zot fer tousala, me san negliz lezot.

Levanzil dapre Lik 12:14

Me Zezi ti dir li, “Lekel ki'n apwent mwan ziz pour partaz zot bann byen?”

Levanzil dapre Lik 6:36

Annan konpasyon parey ou Papa i montre konpasyon.”

Romen 7:16

Alor, si mon fer sa ki mon pa oule, sa i montre ki mon dakor avek Lalwa e mon rekonnet ki i bon.

Romen 9:20

Me ki ou ete ou, zonm, pour ou kontredir Bondye? Eski en po later i kapab demann avek son fabrikan: Akoz ou'n fer mwan konmsa?

1 Korentyen 7:16

Annefe, ou fanm kretyen! Eski ou konnen si ou pou arive sov ou mari? Ou mari kretyen! Eski ou konnen si ou pou arive sov ou fanm?

Efezyen 4:32

O kontrer, viv bon, ranpli avek lafeksyon anver kanmarad; pardonn kanmarad, parey Bondye in pardonn zot par Kris.

Deterononm 27:10

Alor, ou ava obei SENYER, ou Bondye, e met an pratik son bann komannman ek son bann regleman ki mon pe ordonn ou ozordi.

Deterononm 30:15

Gete! Ozordi, mon met devan ou lavi ek boner, lanmor ek maler.

Kolosyen 3:12

Alor, koman en pep ki Bondye in swazir, en pep konsakre pour li e ki i kontan, ranpli zot avek konpasyon, labonte, limilite, ladouser ek lapasyans.

2 Tesalonisyen 2:16

Mon demande ki nou Senyer Zezi-Kri li menm, e Bondye, nou Papa ki'n kontan nou, e ki, par son lagras, i donn nou en lankourazman eternel ek en bon lesperans,

Let Zak 2:20

Enbesil! Oule mon prouv ou ki lafwa san aksyon napa valer?

Zozye 24:14

Aprezan, annan respe pour SENYER, e servi li senserman e avek fidelite. Detri bann bondye ki zot zanset ti servi ler zot ti lot kote larivyer Efrat e Lezip; servi SENYER.

1 Pyer 3:8

Anfen, zot tou, zot devre annan menm panse ek menm santiman. Kontan kanmarad koman frer; annan konpasyon pour kanmarad e viv dan limilite.

1 Samyel 12:23

Mon pa pou zanmen aret priy SENYER pour zot e fer pese kont li. Mon pou ansenny zot semen ki bon e drwat.

1 Samyel 15:22

Samyel ti dir, “Eski SENYER i pran otan plezir dan lofrann ek sakrifis plito ki dan lobeisans sa enn ki ekout lavwa SENYER? Lobeisans i vomye ki sakrifis. Soumisyon i vomye ki lagres bouk.