Mise 6:5 - Labib An Kreol Seselwa

⁵ Mon pep! Rapel byen konplo Balak, lerwa Moab; sa ki Balaanm, garson Beor, ti reponn li; e sa ki ti arive kan ou ti traverse depi Sitim ziska Gilgal. Alor, ou ava rekonnet laviktwar ki SENYER in fer.

Mise 6:5 ပူးပေါင်းရင်းမြစ်များ

Psonm 111:4

I fer rapel son bann mervey. SENYER i bon e ranpli avek konpasyon.

Psonm 143:11

SENYER! Pour loner ou non, prezerv mon lavi. Dan ou lazistis tir mwan dan maler.

Psonm 36:10

Kontinyen montre ou fidelite anver sa bann ki konn ou lazistis, anver sa bann ki annan leker drwat.

Psonm 71:19

Mon Bondye! Ou lazistis i sitan gran ki i tous lesyel. Mon Bondye! Ou'n fer telman gran mervey! Mon Bondye! Lekel ki parey ou?

Ezai 1:27

Zerizalenm pou ganny sove par lazistis. Son bann zabitan ki repanti, pou ganny sove par lazistis.

Nonm 22:41

Lannmen bomaten, Balak ti pran Balaanm e mont avek li ziska Bamot-Baal kot i ti war selman en parti pep Izrael.

Nonm 23:27

Balak ti dir Balaanm, “Vin avek mwan dan en lot landrwa; petet Bondye ava les ou modi zot pour mwan.”

Nonm 25:1

Pandan ki pep Izrael ti'n enstal zot Sitim, zot ti tonm dan prostitisyon avek bann fanm Moabit.

Nonm 25:2

Sa bann fanm ti'n envit pep Izrael pour vin ofer sakrifis. Bann Izraelit ti manze e ador bann bondye Moab.

Nonm 31:16

Zot menm zot sa bann fanm ki, lo konsey Balaanm, ti antrenn bann Izraelit dan lenfidelite anver SENYER, kan nou ti kanpe Peor. Akoz zot ki sa fleo ti tonm lo pep SENYER.

Nonm 31:8

Zot ti touy osi sa senk lerwa Madyann: Evi, Rekenm, Zour, Hour, Reba. Zot ti osi touy Balaanm, garson Beor.

Nonm 33:49

Zot ti kanp obor larivyer Zourden depi Bet-Yesimot ziska Abel-Sitim, dan laplenn Moab.

Efezyen 2:11

Alor rapel zot sa ki zot ti ete otrefwa: Zot pa bann Zwif de nesans. Bann Zwif i tret zot koman bann ensirkonsi, me zot apel zot lekor bann sirkonsi. Sa i zis akoz en loperasyon ki ganny fer dan zot laser.

Deterononm 16:3

Pandan lafet, ou pa pou manz nanryen ki'n kwi avek lelven. Pandan set zour, ou ava manz dipen san lelven, en dipen douler, akoz ou ti kit Lezip an tayan. Alor, sa i ava rapel ou tou dilon ou lavi, sa zour ki ou ti sorti Lezip.

Deterononm 23:6

Tan ki ou vivan, pa zanmen pran ka pour zot byennet ni pour zot prosperite.

Deterononm 8:18

Rapel byen SENYER, ou Bondye akoz ou lafors ek ou larises i sorti kot li. Konmsa, i ava etabli son lalyans ki i ti fer par en serman avek ou bann zanset; sa ki i pe fer ozordi.

Deterononm 8:2

Ou ava rapel sa long semen kot SENYER, ou Bondye in akonpanny ou pandan 40 an dan dezer, pour li imilye ou, teste ou; pour li konnen ki ou annan dan ou leker, si ou pou gard son bann komannman oubyen non.

Deterononm 9:7

Fodre rapel e pa oubliye ki mannyer ou ti provok SENYER, ou Bondye dan dezer e ki ou ti fer li ankoler. Depi zour ou ti sorti Lezip, ziska ou ti ariv isi, ou ti revolte kont SENYER.

Zozye 2:1

Apre, Zozye, garson Noun, ti anvoy an sekre depi Sitim, de zonm koman espyon. I ti dir zot, “Al eksplor pei, ek lavil Zeriko.” Alor, zot ti ale e zot ti pas lannwit dan lakaz en prostitye ki ti apel Rahab.

Zozye 3:1

Zozye ti leve granmaten e kit Sitim avek tou bann Izraelit. I ti ariv kot larivyer Zourden, kot zot ti kanpe avan travers larivyer.

Zozye 4:19

Lepep ti travers larivyer Zourden dizyenm zour premye mwan. Zot ti kanp obor lavil Gilgal, dan Les frontyer Zeriko.

2 Pyer 2:15

Zot in abandonn vre semen e zot in egare lo zot larout. Zot in swiv menm semen ki Balaanm, garson Bosor ki ti kontan larzan, ki i ti gannyen pour fer lemal.

1 Zan 1:9

Si nou konfes nou pese, Bondye ki fidel e zis, pou pardonn nou nou pese e pirifye nou kont tou lenzistis.

Let Zid 1:11

Maler lo zot! Zot in swiv menm semen ki Kaen. Pour larzan, zot in livre zot dan menm lerer ki Balaanm. Zot in ganny detri akoz zot in revolte parey Kore.

Revelasyon 2:14

Sepandan, mon annan detrwa repros pour fer ou: Ou annan kot ou serten dimoun ki atase avek lansennyman Balaanm. I ti montre Balak konman pour fer bann Izraelit tonm dan pese: I ti fer zot manz lavyann ki'n ganny ofer avek zidol e fer zot pratik limoralite seksyel.

Ziz 11:25

Eski ou plis ki Balak, garson Sipor, lerwa Moab? Eski i oule konbat kont Izrael? Pa li, ki'n deklar lager.

Ziz 5:11

Pre bann pwi, bann ki anmenn delo, zot rakont bann aksyon pour lazistis ki SENYER in fer koman sef Izrael. Alor, pep SENYER in desann ziska kot laport bann lavil.

1 Samyel 12:7

Aprezan, reste debout; mon pou rakont zot dan prezans SENYER, tou bann keksoz ki SENYER in fer pour zot ek zot bann zanset pour etablir lazistis.