Mise 6:16 - Labib An Kreol Seselwa

¹⁶ Ou'n gard bann lalwa Omri, e tou bann pratik lafanmir Akab; ou'n swiv tou zot konsey. Alor, mon pou detri ou lavil; dimoun pou monk bann zabitan e ou pou tonm dan laont.

Mise 6:16 ပူးပေါင်းရင်းမြစ်များ

1 Rwa 18:4

Kan Zezabel ti masakre bann profet SENYER, Abdyas ti pran 100 profet e kasyet zot par group 50 dan en kavern kot i ti nouri zot avek dipen ek delo.

1 Rwa 9:8

Sa lakaz pou tonm anrin; tou sa ki pou pas par la pou sirprann, soufle avek letonnman. Zot ava dir: Akoz SENYER in azir konmsa kont sa pei ek sa Lakaz?

2 Rwa 16:3

Me i ti fer parey bann lerwa Izrael e i ti menm ofer an sakrifis son garson, dapre bann pratik degoutan bann nasyon ki SENYER ti'n sase devan pep Izrael.

2 Rwa 21:3

I ti rekonstri bann landrwa sakre ki Ezekyas son papa ti'n detri, e etabli bann lotel pour Baal; i ti osi fer en poto sakre, parey Akab, lerwa Izrael, ti fer; i ti ador tou bann zetwal dan lesyel e servi zot.

2 Kronik 22:4

I ti fer sa ki mal parey fanmir Akab, ki pa ti fer plezir SENYER. Apre lanmor son papa, zot ti vin son konseye, me pour son maler.

2 Kronik 34:25

Akoz zot in abandonn mwan e zot in ofer lansan devan lezot bondye, zot in fer monte mon lakoler par zot bann aksyon. Alor, mon lakoler pou tonm lo sa lavil e i pa pou kalme.

Psonm 1:1

Byennere sa enn ki pa ekout konsey bann malfeter, ki pa swiv legzanp dimoun ki fer sa ki mal, ki pa asiz parmi bann dimoun moker!

Psonm 44:13

Ou'n les bann vwazen ridikiliz nou. Dimoun otour nou in mepriz nou; zot in gognard nou.

Psonm 44:14

Zot rakont fab lo nou. Zot riy nou e zot sekwe latet.

Ezai 25:8

La sa ki SENYER i promet: Lanmor pou disparet pour touzour. Senyer BONDYE pou eswiy tou larm lo tou bann figir. I pou fer disparet laont son pep.

Ezai 9:16

Bann dirizan sa pep in anmenn zot lo move semen; dimoun in ekout zot in tonm dan konfizyon.

Zeremi 19:8

Mon pou met sa lavil dan en tel leta degoutan, ki tou dimoun ki pase pou ganny en sok e zot ava kriye ek sezisman devan en tel destriksyon.

Zeremi 25:18

Mon ti konmans par Zerizalenm ek bann lavil dan Zida, avek zot lerwa ek zot zofisye. Tou sa bann lavil ti ganny transformen koman en landrwa devaste, en landrwa malediksyon; i parey ankor ozordi.

Zeremi 25:9

mon pou anvoy tou bann zabitan sorti dan Nor avek zot sef, mon serviter, Naboukodonozor, lerwa Babilonn ki fer sa ki mon oule. Mon pou fer zot lager kont Zida, kont son bann zabitan ek tou bann nasyon vwazen. Mon pou detri sa nasyon ek son bann vwazen. Mon pou fer li vin en ta larin pour touzour, en keksoz terib e sokan ki pa pou ditou gou pour war.

Zeremi 29:18

Mon pou kontinyen pourswiv zot avek lager, lafanmin e lepidemi, de sort ki tou bann rwayonm lo later ava tranble avek lafreyer kan zot ava war tousala. Partou kot mon pou dispers zot, dimoun pou soke e zot pou per kan zot ava war sa ki'n ariv zot. Dimoun pou mepriz zot e zot non pou vin en malediksyon.

Zeremi 51:51

Nou pa fyer pour antann sa bann lensilt. Nou santi nou san okenn sekour, akoz bann etranze in penetre dan ou tanp, SENYER.

Zeremi 7:24

Me zot pa'n ni obei, ni ekout mwan. Dan zot lantetman, zot in deside swiv sa ki zot move leker ti dir zot fer. Zot in elwanny zot ek mwan e zot in vir zot ledo kont mwan.

Lamantasyon 5:1

SENYER! Pa oubliy sa ki'n arive avek nou; Zet ou regar lo nou, e get nou dezoner!

Ezekyel 39:26

Alor, personn pa pou fer zot per; zot ava viv anpe dan zot pei. Zot ava oubliy zot laont ek tou zot aksyon enfidel anver mwan.

Danyel 9:16

Senyer, dan ou lazistis, mon sipliy ou, detourn ou lakoler kont ou lavil, Zerizalenm, ou montanny sakre. Akoz nou bann pese ek bann fot nou zanset, Zerizalenm ek ou pep i ganny ensilte par tou nou bann vwazen otour nou.

Oze 12:14

Efraim ti provok son lakoler; SENYER pou fer li pey konsekans son bann krim.

Oze 5:11

Efraim pou ganny kraze par zizman, akoz i'n kontan swiv sa ki vid, san valer.

Mise 2:6

I annan ki dir: Aret koz konmsa. Fodre pa dir ki laont ek dezoner pou tonm lo nou.

Mise 6:13

Pour sa rezon, mon'n konmans tap ou. Mon pe detri ou akoz ou bann pese.

Revelasyon 2:20

Me la sa ki mon annan kont ou: Ou toler Zezabel, sa fanm ki pas li pour en profet. I tronp mon bann serviter e ansenny zot pratik limoralite, pour fer zot manz lavyann ki'n ganny ofer avek bann zidol.