Mise 6:14 - Labib An Kreol Seselwa

¹⁴ Ou pou manze me ou pou reste lafen. Tou sa ki ou pou met dekote pa pou reste; sa ki ou reisi met dekote, mon pou detrir par lepe.

Mise 6:14 ပူးပေါင်းရင်းမြစ်များ

Ezai 30:6

La en mesaz konsernan bann zannimo ki viv dan Negev: Atraver en pei kot i annan maler ek detres, la kot lyon, mal ek femel i reste, kot serpan ek dragon volan i reste, zot anmenn zot larises lo ledo bourik, zot trezor lo bos samo; kado pour en pep ki pa kapab fer nanryen pour ed zot!

Ezai 65:13

Alor, la sa ki Senyer BONDYE i deklare: Mon bann serviter pou manze, me zot, zot pou reste lafen. Mon bann serviter pou bwar, me zot, zot pou kontinyen swaf. Mon bann serviter pou dan lazwa, me zot, zot pou dan laont.

Ezai 9:20

Zot devor kanmarad lo kote drwat, me zot ankor lafen; zot devor lo kote gos, me zot pa ankor rasazye. Zot devor laser zot prop zanfan.

Zeremi 48:44

Sa enn ki pou esey sov lafreyer, pou tonm dan lafos. Sa enn ki sorti dan lafos, pou ganny pri dan latrap, akoz SENYER in fikse letan ler Moab pour ganny detri.

Ezekyel 5:12

En tyer ou zabitan pou mor, swa par lepidemi, oubyen par lafanmin dan lavil; en tyer pou ganny masakre dan zalantour; en tyer, mon pou disperse par tou kote e mon pou servi mon lepe kont zot.

Oze 4:10

Zot pou manze, me zot pou reste touzour lafen. Zot pou viv dan prostitisyon, me zot popilasyon pa pou ogmante, akoz zot nepli annan respe pour SENYER.

Levitik 26:26

Mon pa pou donn zot dipen. Dis fanm ava kwi zot dipen dan en sel four. Manze pou ganny rasyonnen; zot ava manze, me zot pou ankor lafen.

Agze 1:6

Zot in senm bokou, me zot in rekolte en pti gin; zot in ganny manze, me zot pa zanmen ase; zot in ganny bwar, me zot touzour swaf; zot sanze, me zot lenz pa zanmen gard lasaler; lapey bann travayer i al dan en portmonnen defonse.

Agze 2:16

ki ti arive avek ou? Kan enn ti al pran 20 mezir, i ti trouv zis 10; kan i ti al rod 50 mezir diven dan resipyan 50 mezir, ti annan zis 20 mezir.