Mise 5:6 - Labib An Kreol Seselwa

⁶ Zot pou diriz Asiri avek lepe, e pei Nenmrod avek zarm. Si bann Asiriyen i vin dan nou pei, si zot travers nou frontyer e penetre dan nou teritwar, konmsa, ki nou pou ganny delivre.

Mise 5:6 ပူးပေါင်းရင်းမြစ်များ

2 Rwa 15:29

Ti dan lepok Peka, lerwa Izrael, ki Tiglat-Pileser, lerwa Asiri, ti atak e pran sa bann lavil: Iyonn, Abel-Bet-Maaka, Yanoa, Kedes, Hasor, Galaad ek Galile, pei Neftali antye. I ti anvoy tou zabitan prizonnyen annegzil Asiri.

1 Kronik 1:10

Kous ti papa Nenmrod, ki ti premye gran ero lo later.

2 Kronik 33:11

Alor, SENYER ti anvoy bann komandan ek larme lerwa Asiriyen kont zot. Zot ti pran Manase prizonnyen, kros li avek lanmson, anmar li avek lasenn an bronz e anmenn li Babilonn.

Liv Zob 29:22

Ler mon ti'n fini koze, zot pa ti poz kestyon; mon parol ti tonm lo zot parey laroze.

Psonm 110:3

Ou pep i volonter zour ou al lager. Bann zennzan pou vin ver ou lo montanny sen.

Psonm 72:6

I ava parey lapli ki tonm lo laplenn, e lapli ki aroz later.

Ezai 14:2

Lezot pep etranze ava akey Izrael, pour anmenn li dan son pei. La, lo later ki pou SENYER, pep Izrael pou fer zot vin son lesklav, zonm koman fanm. Izrael pou fer prizonnyen sa bann menm dimoun ki ti'n anmenn li an kaptivite; i pou domin sa bann ki ti kraz li.

Ezai 14:25

Mon pou detri bann Asiriyen dan mon pei; lo mon bann montanny, mon pou kraz li anba mon lipye; mon pou tir sa fardo ki zot in met lo mon pep e mon pou tir sa pwa ki lo zepol mon pep.

Ezai 33:1

Maler lo ou ki detri tou me ki pa'n ganny detri! Ki trai lezot me ki pa'n ganny trai! Ler ou ava'n fini detri, ou osi, ou pou ganny detri. Ler ou ava'n fini trai, ou pou ganny trai.

Ezai 37:36

Sa menm swar, lanz SENYER sorti e touy 185,000 zonm dan kan bann Asiriyen. Ler lizour ti fer, ti annan zis dimoun mor.

Ezai 37:37

Alor, Senakerib, lerwa Asiri ti lev kan e retourn Niniv kot i ti reste.

Ezai 6:13

Si i reste ankor en dizyenm zabitan, li osi, i pou ganny brile. Me, parey en pye dibwa ki son siko i reste ler in ganny koupe, en desandans sen pou bourzonnen, sorti dan sa siko.

Zeremi 14:22

Napa enn sa bann fo bondye dan lezot nasyon ki kapab fer lapli tonbe. Lesyel li tousel pa kapab fer lapli tonbe. SENYER nou Bondye, zis dan ou, ki nou'n met nou lespwar. Ou ki'n fer tousala arive.

Nahoum 2:11

Ki'n arive avek Niniv sa landrwa kot bann lyon ti reste? Ki'n arive avek sa kavern bann zenn lyon, kot lyon, femel lyon ek piti lyon ti pronmnen, san ki zot ganny deranze?

Sofoni 2:13

SENYER pou lev son lanmen kont bann zabitan dan Nor e fer disparet Asiri. I pou fer Niniv vin en landrwa devaste, sek parey dezer.

Sofoni 3:12

Mon pou kit parmi zot, en pep senp e pov. Zot pou rod proteksyon dan non SENYER.

Levanzil dapre Lik 1:71

ki i pou delivre nou kont nou bann lennmi ek bann ki deteste nou.

Levanzil dapre Lik 1:74

in delivre nou dan lanmen nou bann lennmi, pour nou kapab servi li san lafreyer;

Levanzil dapre Lik 24:27

Alor, konmansan par Moiz ek tou bann profet, Zezi ti eksplik zot sa ki Lekritir in dir lo son size.

Deterononm 32:2

Mon lansennyman i tonm parey lapli, e mon bann parol i koule parey gout laroze; parey grenas lo zerb, parey bann gout delo lo gazon.