Mise 5:2 - Labib An Kreol Seselwa

² Ou, Betlehenm Efrata! Ou pli pti parmi bann klan dan Zida. Kot ou, pou sorti pour mwan, sa enn ki pou gouvern Izrael. Son lorizin i remont dan lwen, lontan.

Mise 5:2 ပူးပေါင်းရင်းမြစ်များ

Zenez 35:16

Zakob ek son fanmir ti kit Betel, e kan zot ti en distans avek Efrata, Rasel ti ganny son baba e son lakousman ti difisil.

Zenez 35:19

Rasel ti mor, e i ti ganny antere lo semen Efrata, Betlehenm.

Zenez 48:7

Kan mon ti sorti Padann-Aranm, Rasel ti mor dan pei Kanaan dan semen, avan nou ti ariv Efrata. Mon ti anter li lo semen Efrata, setadir Betlehenm.”

Zenez 49:10

Pouvwar rwayal pou reste touzour dan fanmir Zida. Baton komann pou reste dan lanmen son desandans pour touzour. Bann nasyon pou annan respe pour li e obei li.

1 Kronik 2:54

Bann garson Salma: Betlehenm ek bann Netofatit, Arot-Bet-Zoab, Hasi-Manati, bann Soretit,

1 Kronik 4:4

Penouel ti papa Gedor, e Ezer ti papa Housa. Sa ti bann garson Hour, lene garson Efrata, papa Betlehenm.

1 Kronik 5:2

Menm si Zida ti enportan parmi son bann frer e ki dan son desandans in sorti en sef, se Zozef ki ti'n ganny drwa lene garson.

Psonm 132:6

Nou'n antann koz lo li dan Efrata; nou'n war li dan bann laplenn Yaar:

Psonm 90:2

Avan ki ou ti kree bann montanny, avan ki ou ti form later ek lemonn, depi touzour e pour touzour, ou Bondye!

Egzod 18:21

Ou ava swazir bann zonm kapab parmi lepep, bann zonm ki annan respe pour Bondye, bann zonm ki ou kapab fer konfyans e ki pa malonnet. Plas zot koman sef group 1,000, 100, 50 ek group 10.

Egzod 18:25

Moiz ti swazir bann dimoun kapab parmi pep Izrael. I ti met zot ansarz son pep. Ti annan sef group 1,000, sef 100, sef 50 ek sef 10.

Ezai 11:1

En bourzon ava sorti dan tron Zese, en brans ava sorti dan son rasin.

Ezai 53:2

I'n grandi devan li parey en pti plant byen feb, parey en rasin ki sorti dan en later desese. I ti napa okenn laparans, ni labote ki pou atir nou latansyon; ti napa nanryen pour atir nou ver li.

Ezai 55:4

Mon'n fer li vin en temwen pour bann pep, en sef ki komann bann pep.

Ezai 7:14

Alor, SENYER li menm pou donn zot en siny: En zenn fiy i ansent e i pou met omonn en garson. I pou apel li Emanouel. Savedir: Bondye avek nou.

Zeremi 30:21

Zot sef pou enn parmi zot, SENYER i deklare. Sa enn ki pou diriz zot, pou enn parmi zot. Mon pou fer li vin pre avek mwan, e i ava apros mwan. Annefe, lekel ki pou oze apros mwan san ki mon'n envit li, SENYER i deklare.

Oze 6:3

Annou konn li, annou vreman rode pour konn SENYER. I pou aparet, sa i sir parey lizour i fer. I pou vini zis parey lapli i tonbe, parey lapli i aroz later dan sezon lapli.

Amos 9:11

La sa ki SENYER i deklare: Sa zour pe vini kan mon pou rekonstri lavil David ki'n tonm anrin parey en payot. Sa zour la, mon pou repar li, mon pou remet li debout. Mon pou rekonstri li e retourn li parey i ti ete avan.

Mise 4:10

Zabitan Zerizalenm! Pliy an de e plennyen, parey en fanm dan lakousman. La aprezan, ou ava kit lavil pour al kanpe dan laplenn, ou pou al Babilonn. Apre, ou ava ganny delivre. Laba, SENYER ava sov ou dan lanmen ou bann lennmi.

Zakari 13:7

La sa ki SENYER liniver i deklare: Lepe! Leve kont mon berze, kont mon zanmi pros. Atak berze pour dispers bann mouton; mon lanmen pou atak bann ki pti.

Zakari 9:9

Fiy Siyon! Danse avek lazwa. Fiy Zerizalenm! Kriy byen for! Ou lerwa pe vin kot ou! I pe vin an triyonf e viktorye; i pe vini koman en dimoun senp, lo en bourik, en pti bourik, piti en femel bourik.

Matye 2:1

Zezi ti ne Betlehenm dan Zide, dan lepok ki Herod ti lerwa. Apre son nesans, bann savan sorti dan Les ti ariv Zerizalenm.

Matye 2:6

Ou Betlehenm, dan later Zida! Ou sertennman pa mwen enportan parmi bann lavil dan Zida. Annefe, kot ou, pou sorti en sef ki pou vin berze Izrael, mon pep.”

Matye 28:18

Zezi ti apros zot e dir zot, “Mon'n ganny tou pouvwar dan lesyel ek lo later.

Levanzil dapre Lik 23:2

kot zot ti konmans akiz li. Zot ti dir, “Nou'n trouve ki sa zonm pe met troub dan nou nasyon. I defann nou pey taks Sezar, e i pe dir ki se li menm Mesi, en lerwa.”

Levanzil dapre Lik 23:38

Par lao son latet ti annan en lenskripsyon: Sa zonm i lerwa bann Zwif.

Levanzil dapre Zan 7:42

Lekritir pa i dir ki Mesi i devret en desandan lerwa David e sorti Betlehenm, vilaz kot David i sorti?”

Deterononm 1:15

Alor, mon ti pran zot bann sef tribi, bann zonm saz, eksperyanse e enstal zot koman zot sef: Sef 1,000, sef 100, sef 50, sef 10, ek bann zofisye ki pou ansarz sak tribi.

Kolosyen 1:17

Kris i egziste avan tou keksoz, e dan li, tou keksoz i tenir ansanm.

Ebre 13:8

Zezi-Kri i reste parey, yer, ozordi, demen e pour touzour.

Ebre 7:14

Nou tou nou konnen ki nou Senyer ti sorti dan tribi Zida, e Moiz pa'n mansyonn nanryen lo sa tribi kan i ti koz lo bann pret.

1 Zan 1:1

Nou pe anons zot Parol lavi ki ti egziste depi o konmansman, ki nou'n tande, e ki nou'n war avek nou prop lizye. Nou'n kontanple li e nou'n tous li avek nou lanmen.

Revelasyon 19:16

Lo son rob e lo son kwis, en non in ganny enskri: Lerwa tou bann lerwa, Senyer tou bann senyer.

Revelasyon 2:8

Ekri Lanz Legliz dan Smirn: La sa ki Premye e Dernyen, sa enn ki ti'n mor e ki'n retourn vivan i deklare:

Revelasyon 21:6

I ti dir mwan: Tou keksoz in akonpli! Mwan menm Alfa ek Omega, konmansman ek lafen. Sa enn ki swaf, mon pou donn li gratwitman drwa bwar dan sours delo lavi.

Ziz 17:7

Ti annan en zennonm sorti Betlehenm, en lavil dan Zida. I ti en levit sorti dan tribi Zida. I ti pe reste la koman en etranze.

Rit 1:1

Lepok ki Izrael ti ganny gouvernen par bann ziz, ti annan en lafanmin dan sa pei. En zonm Betlehenm dan Zida ti kit son pei e i ti al reste dan lakanpanny Moab, li, son fanm ek son de garson.

Rit 4:11

Apre, tou bann dimoun ki ti kot baro, ek bann sef lavil, ti reponn, “Wi! Nou temwen. SENYER i ava fer sa fanm, vin parey Rasel ek Lea, ki ansanm zot ti fer sa pep ki desandans Izrael. Ou ava vin ris dan Efrata e renonmen dan Betlehenm.

1 Samyel 10:19

Me ozordi, zot in rezet Bondye ki'n sov zot dan tou zot maler ek detres, e zot dir li: Donn nou en lerwa. Aprezan, vin devan SENYER dapre tribi e par klan.”

1 Samyel 17:12

David ti garson en Efratit, sorti Betlehenm dan Zida, ki ti apel Zese e ki ti annan wit garson. Dan lepok Sail, sa zonm ti deza vyeyar.

1 Samyel 17:18

Anmenn osi dis fromaz pour zot sef 100. Pran zot nouvel e anmenn keksoz pour montre mwan ki zot port byen.

1 Samyel 23:23

Rod byen tou bann landrwa kot in kapab kasyet. Apre, vin war mwan dan landrwa kot nou'n aranze e mon ava desann avek zot. Si i dan sa pei, mon pou fouy teritwar Zida antye, ziska ki mon trouv li.”

1 Samyel 8:12

I pou nonm en bann koman sef 1,000 e sef 50. I pou pran en bann pour kiltiv son plantasyon, e rekolte son bann prodwi; en lot bann pou travay dan fabrikasyon zarm lager ek bann lekipman pour kales.