Mise 5:13 - Labib An Kreol Seselwa

¹³ Mon pou detri tou stati ek poto sakre kot ou; ou pou arete prostern devan sa ki'n ganny fabrike par ou lanmen.

Mise 5:13 ပူးပေါင်းရင်းမြစ်များ

Ezai 2:18

Tou bann zidol pou disparet.

Ezai 2:8

Zot pei i ranpli avek fo bondye. Zonm i prosternen devan zidol ki zot in fabrike avek zot lanmen, sa ki zot in fer avek zot prop ledwa.

Ezai 27:9

Konmsa ki pese Zakob pou ganny efase. La rezilta pardon son pese: Tou bann ros ki ti servi pour fer bann lotel avek pou ganny kraze e vin koman lapousyer. Tou bann poto sakre, oubyen bann lotel lansan, pou disparet.

Ezekyel 16:41

Zot pou met dife dan ou bann lakaz. Zot pou egzekit kondannasyon dapre zizman kont ou dan prezans en lafoul fanm. Mon pou met en lafen avek ou lavi prostitisyon, e dezormen, ou ava osi aret donn larzan ou bann galan.

Ezekyel 36:25

Mon pou asperz zot avek delo pir e fer zot vin pir. Mon pou pirifye zot avek tou zot bann aksyon ek tou zot bann zidol ki'n rann zot enpir.

Ezekyel 37:23

Zot pou nepli rann zot enpir ankor par zot bann zidol e par zot bann aksyon degoutan, ni par tou lezot pese. Me mon pou delivre zot dan tou bann landrwa kot zot in fer pese kont mwan. Mon pou pirifye zot; zot ava vin mon pep e mon ava vin zot Bondye.

Ezekyel 6:9

Bann sirvivan ava mazin mwan parmi bann nasyon kot zot pou viv koman bann egzile. Zot ava rapel ki mannyer mon'n detri zot, avek zot leker enfidel ki'n abandonn mwan e zot lizye ki'n reste fikse lo sa bann zidol. Zot pou ganny repinyans pour zot prop lekor, akoz bann aksyon degoutan ki zot in komet.

Oze 10:2

Zot leker pa senser. Aprezan, zot pou bezwen peye. Zot bann lotel pou ganny kraze. Zot bann ros sakre pou ganny detri.

Oze 14:3

Asiri pa kapab sov nou, nou pa pou mont seval; nou pa pou koz ankor; nou pa pou dir ankor avek travay ki nou lanmen in fer: Ou nou Bondye. Ou ki pran pitye pour bann orfelen.

Oze 14:8

Efraim! Ki i annan ant mwan ek ou bann zidol? Se mwan ki reponn e pran swen avek ou. Parey en pye dibwa byen ver, mon ava kouver ou anba mon feyaz. Mwan ki fer ou donn fri.

Nahoum 1:14

La sa ki SENYER in ordonnen kont zabitan Niniv: Ou pou nepli annan okenn desandans ki pou port ou non. Mon pou detri sa bann stati an bwa e an fer ki dan ou tanp. Mon pou prepar ou latonm, akoz ou nepli vo nanryen.

Sofoni 1:4

Mon pou lev mon lanmen kont Zida e kont tou zabitan Zerizalenm. Mon pou fer disparet dan sa landrwa, bann Baal ki reste, menm non bann pret ki ti servi li.

Zakari 13:2

La sa ki SENYER liniver i deklare: Mon pou debaras pei avek non bann zidol e personn pa pou mazin zot ankor. Mon pou osi debaras pei avek bann profet ek zot lanvi enpir.

Revelasyon 9:20

Lezot zonm ki pa ti ganny touye par bann fleo, pa ti abandonn sa ki zot ti'n fer. Zot pa ti aret ador bann demon ek bann zidol annor, annarzan, an bronz, an pyer e an bwa ki pa kapab ni war, ni tande, ni marse.

Ziz 18:17

Sa senk zonm ki ti'n al eksplor pei ti mont dan letaz. Zot ti antre e zot ti pran rob pret, bann pti stati bondye ek sa stati an metal. Sa pret ti pe debout devan laport avek sa 600 zonm, zot zarm atase avek zot sentir.