Mise 4:7 - Labib An Kreol Seselwa

⁷ Avek sa bann ki bwete, mon pou fer en restan; avek bann ki ti'n ganny rezete, mon pou fer en nasyon for. Alor, SENYER pou vin zot lerwa pour touzour.

Mise 4:7 ပူးပေါင်းရင်းမြစ်များ

Psonm 2:6

Mwan ki'n etabli mon lerwa lo Siyon, mon montanny sen.

Ezai 16:5

Alor, par ou fidelite, en tronn pou ganny etabli. Parmi desandan David, en dirizan pou leve ki pou gouvern avek lazistis e avek ladrwatir.

Ezai 24:23

Apre sa, lalin pou vin rouz; soley pou kouver avek laont, akoz SENYER liniver pou rennyen lo montanny Siyon e dan Zerizalenm. Son mazeste pour ganny manifeste devan son bann ansyen.

Ezai 6:13

Si i reste ankor en dizyenm zabitan, li osi, i pou ganny brile. Me, parey en pye dibwa ki son siko i reste ler in ganny koupe, en desandans sen pou bourzonnen, sorti dan sa siko.

Ezai 60:22

Parmi zot, sa ki pli pti, pou vin en milye; sa ki pli feb, pou vin en nasyon pwisan. Mwan SENYER, mon pa pou tarde pour realiz tousala dan son letan.

Ezai 66:8

Lekel ki'n deza antann en keksoz parey? Lekel ki'n deza war keksoz parey? En pei i kapab ne dan en zour? En nasyon i kapab ganny kree en sel kou? Pourtan, de ki Siyon ti dan douler lakousman, i ti donn nesans son bann zanfan.

Ezekyel 43:7

Sa lavwa ti dir mwan: Ou ki en imen, ekoute! Isi i landrwa kot mon tronn i ete; la kot mon poz mon lipye. Mon pou reste parmi pep Izrael pour touzour. Ni pep Izrael, ni son bann lerwa pa pou dezonor mon non sen ankor par zot lavi prostitisyon e par bann kadav zot bann lerwa lo zot bann oter.

Danyel 2:44

Dan lepok sa bann lerwa, Bondye lesyel pou etabli en rwayonm ki pa pou zanmen ganny detri; sa rwayonm pa pou zanmen pas avek en lot pep. I pou kraz tou sa bann rwayonm e detri tou konpletman; me li, i pou reste pour touzour.

Danyel 4:34

Plitar, apre ki sa set an ti'n pase, mwan, Naboukodonozor, mon ti lev mon lizye ver lesyel e mon ti reganny mon bon rezonnman. Mon ti remersye Bondye Toupwisan, e rann glwar ek loner sa enn ki viv eternelman. Son pouvwar rwayal i pour touzour, son rwayonm pou dire pour touzour, atraver tou zenerasyon.

Danyel 7:14

I ti resevwar lotorite, loner ek rwayote; tou bann pep, tou bann nasyon, dimoun ki sorti dan tou langaz ti servi li. Son pouvwar pou reste pour touzour. Son renny pa pou zanmen fini. Son rwayonm pa pou zanmen ganny detri.

Danyel 7:27

Rwayote, pouvwar ek grander dan tou bann rwayonm anba lesyel pou ganny donnen dan lanmen pep sen ki pour Bondye Toupwisan. Sa rwayonm pou dire pour touzour, e tou bann pwisans pou servi e obeir li.

Oze 1:10

Pep Izrael pou vin koman disab lo bor lanmer, personn pa pou kapab konte. La kot zot ti dir: Ou pa mon pep! Zot pou ganny dir: Zot zanfan Bondye vivan.

Zoel 2:32

Sa zour la, sa enn ki envok SENYER, ava ganny sove, parey SENYER in promet Zerizalenm, lo montanny Siyon. Pou annan parmi bann sirvivan, en restan pep ki SENYER in apele.

Zoel 3:17

Alor, zot ava konnen ki mwan SENYER, zot Bondye. Mon reste dan Siyon, mon montanny sakre. Zerizalenm pou vin en landrwa sakre, kot okenn etranze pou nepli kapab antre.

Abdyas 1:21

Bann liberater i mont montanny Siyon pour ziz montanny Edonm; SENYER ki pou rennyen lo sa rwayonm.

Mise 2:12

Mon pou rasanble zot, desandan Zakob! Mon pou rasanble leres pep Izrael! Mon pou rasanble zot parey bann mouton dan berkay, koman en troupo dan laplenn. Zot pou form en lafoul tapazer.

Mise 2:13

Sa enn ki ouver en pasaz pou sorti devan. Zot pou ouver en pasaz, pas par laport e sorti. Zot lerwa i mars devan zot. SENYER i gid zot.

Mise 5:3

Pour sa rezon, Bondye pou abandonn zot, ziska letan ki akouse dan douler. Alor, leres son bann frer ava retournen pour zwenn avek pep Izrael.

Mise 7:18

Napa bondye ki parey ou, SENYER; ou efas fot e pardonn pese restan ou pep. Ou pa gard ou lakoler pour touzour, me ou pran plezir montre ou fidelite.

Sofoni 3:13

Leres sirvivan Izrael pa pou fer sa ki mal. Zot pou nepli koz manti. Zot pou nepli tronp dimoun par zot parol. Zot pou viv e dormi anpe. Personn pa pou fer zot per.

Sofoni 3:20

La sa ki SENYER i deklare: Dan sa letan, mon pour fer zot retournen; dan sa letan, mon pou rasanble zot. Mon pou sanz zot sityasyon devan zot lizye. Mon pou donn zot en renonmen e elev zot loner parmi bann nasyon.

Levanzil dapre Lik 1:33

I pou renny lo tou desandan Zakob pour touzour, e son renny pa pou zanmen fini.”

Revelasyon 11:15

Setyenm lanz ti soufle dan son tronpet. Dan lesyel, bann lavwa tre for ti rezonnen. Zot ti pe dir: Aprezan, rwayonm lemonn in vin pour nou Senyer, e pour son Kris. I pou rennyen pour touzour.