Mise 4:4 - Labib An Kreol Seselwa

⁴ Sakenn pou viv anba son prop tonnel rezen. Zot pou viv anpe anba zot pye fig, san ki personn i fer zot per. SENYER liniver ki deklare.

Mise 4:4 ပူးပေါင်းရင်းမြစ်များ

1 Rwa 4:25

Bann zabitan Zida ek pep Izrael antye ti viv dan sekirite depi Dann ziska Berseba, sakenn anba son prop pye rezen ek son prop pye fig pandan renny Salomon antye.

1 Rwa 5:5

Mon'n deside konstri en tanp konsakre pour SENYER mon Bondye. Annefe, SENYER ti'n deklare avek mon papa David: Ou garson, sa enn ki mon pou swazir pour ranplas ou lo tronn, ki pou konstri sa tanp an loner mon non.

Liv Zob 11:19

Ou ava al dormi san ki personn i deranz ou. Bokou dimoun pou vin flat ou.

Psonm 72:3

Montanny! Anmenn lape pour lepep. Kolin! Anmenn lazistis!

Proverb 3:25

Lafreyer pa pou tonm lo ou sibitman e malfeter pa pou atak ou,

Ezai 1:20

Me si zot refize, si zot persiste dan zot revolt kont mwan, zot pou ganny devore. Labous SENYER in deklare.

Ezai 17:2

Son bann lavil in ganny abandonnen pour touzour. Zot ava bann landrwa kot troupo ava vin repoze, e personn pa pou fer zot per.

Ezai 22:25

Sa zour, SENYER liniver i dir ki sa pike ki ti'n ganny anfonse dan en landrwa sir pou kase; i pou ganny koupe e i pou tonbe. Sa pwa ki ti lo li pou ganny tire, akoz SENYER in koze. SENYER ki deklare.

Ezai 26:16

SENYER! Zot ti rod ou ler zot ti dan detres. Zot ti priye ler ou ti pe pini zot.

Ezai 32:17

Lazistis pou anmenn lape. Lazistis pou anmenn trankilite ek sekirite pour touzour.

Ezai 36:16

Pa ekout Ezekyas, akoz la sa ki lerwa Asiri i dir: Fer lape avek mwan e vin lo mon kote! Sakenn zot pou manz son prop rezen e son prop fig e bwar delo son prop pwi,

Ezai 40:5

Alor, laglwar SENYER ava ganny devwale; tou bann pep ava war. SENYER in dir par son prop labous.

Ezai 54:14

Ou ava ganny gide par lazistis; personn pa pou kraz ou, akoz ou pou nepli per; personn pa pou teroriz ou, akoz lafreyer pa pou apros ou.

Ezai 58:14

alor, ou pou trouv lazwa dan SENYER, e mon pou fer ou vwayaz an triyonf; mon pou nouri ou avek patrimwann ou zanset Zakob. Labous SENYER ki'n koze.

Zeremi 23:4

Mon pou donn zot bann bon berze pour diriz zot, ki pou pran swen avek zot. Avek zot, mon pep pou nepli per, ni konn lafreyer; pa pou annan enn ki pou manke; SENYER i deklare.

Zeremi 30:10

Zakob mon serviter! Pa bezwen per! SENYER i deklare. Izrael! Pa bezwen perdi kouraz! Mon pou vin sov ou, lwen depi kot ou ete, e ou desandans dan pei kot i an kaptivite. Zakob pou retournen; i pou viv trankil e dan lape; i pou an sekirite e personn pa pou vin fer li per.

Ezekyel 34:25

Mon pou fer en lalyans lape avek zot e fer disparet tou zannimo feros dan sa pei. Konmsa zot ava kapab viv anpe dan dezer e dormi dan bwa an sekirite.

Ezekyel 34:28

Zot pou nepli viktim bann nasyon, ni ganny devore par bann zannimo sovaz. Zot ava viv an sekirite e personn pa pou fer zot per.

Ezekyel 38:11

Ou ava deside al atak en pei san defans, en pep ki pe viv trankil an sekirite; en bann lavil ki napa ni miray proteksyon, ni baro.

Ezekyel 39:26

Alor, personn pa pou fer zot per; zot ava viv anpe dan zot pei. Zot ava oubliy zot laont ek tou zot aksyon enfidel anver mwan.

Levitik 26:6

Mon pou met lape dan pei; personn pa pou vin trakas zot. Mon pou detri bann zannimo feros dan pei e lepe pa pou travers zot pei.

Mise 5:3

Pour sa rezon, Bondye pou abandonn zot, ziska letan ki akouse dan douler. Alor, leres son bann frer ava retournen pour zwenn avek pep Izrael.

Sofoni 3:13

Leres sirvivan Izrael pa pou fer sa ki mal. Zot pou nepli koz manti. Zot pou nepli tronp dimoun par zot parol. Zot pou viv e dormi anpe. Personn pa pou fer zot per.

Zakari 3:10

SENYER liniver ki deklare: Sa zour, zot pou envit kanmarad anba zot pye rezen oubyen anba zot pye fig.