Mise 4:3 - Labib An Kreol Seselwa

³ I ava rann zizman ant bann nasyon. I ava ziz bann nasyon pwisan ki menm lwen. Avek zot lepe, zot pou fabrik pyos e avek zot lans zot pou fer fosi. Pou nepli annan lager ant bann nasyon. Zot pou nepli aprann fer lager.

Mise 4:3 ပူးပေါင်းရင်းမြစ်များ

Psonm 46:10

Arete! Konnen ki mwan menm Bondye. Mon domin lo tou nasyon; mon domin lo later antye.

Psonm 46:9

I fer lager arete partou lo later; i kas bann fles, i detri bann lans; i met dife dan bann boukliye.

Psonm 72:3

Montanny! Anmenn lape pour lepep. Kolin! Anmenn lazistis!

Psonm 72:7

Lazistis ava fleri pandan son renny. Lape ava dire osi lontan ki lalin i briye.

Psonm 82:8

Bondye leve! Vin ziz later, akoz ou met tou bann nasyon.

Psonm 96:13

devan SENYER, akoz i pe vini; i pe vini pour ziz later. I pou ziz lemonn dapre lazistis e bann pep dan laverite.

Psonm 98:9

dan SENYER ki pe vini pour ziz lemonn. I pou ziz later avek lazistis, san fer okenn preferans parmi bann pep.

Ezai 2:4

I pou rann zizman ant bann nasyon e donn konsey en kantite pep. Zot ava fer avek zot lepe zouti ki kiltiv later, servi zot lans koman en sekater pour tay brans. Nasyon pa pou pran zarm kont en lot; zot pou nepli aprann fer lager.

Ezai 25:3

Pour sa rezon, en pep pwisan pou glorifye ou; lavil bann nasyon kriyel pou annan respe pour ou.

Ezai 51:5

Mon pa pour tarde vin sov zot; zot pre pour ganny libere e mon lebra ava ziz bann pep; zabitan bann zil pe esper mwan, zot pe kont lo mon pouvwar.

Ezai 60:12

Sa nasyon ek sa rwayonm ki pa aksepte servi ou, pou ganny detri. Sa bann nasyon pou konpletman disparet.

Ezai 65:25

Loulou ek mouton pou manz ansanm; lyon pou manz zerb parey bef; me serpan pou manz lapousyer! Pou napa okenn mal, ni destriksyon partou lo mon montanny sakre, SENYER ki deklare.

Ezai 9:7

Son lotorite pou kontinyen grandi e lape pou rennyen pour touzour pour tronn David ek son rwayonm. I pou etabli son renny e rann li solid lo lalwa ek lazistis, apartir ozordi e pour touzour. SENYER liniver pou fer tousala akoz son gran lanmour.

Danyel 2:44

Dan lepok sa bann lerwa, Bondye lesyel pou etabli en rwayonm ki pa pou zanmen ganny detri; sa rwayonm pa pou zanmen pas avek en lot pep. I pou kraz tou sa bann rwayonm e detri tou konpletman; me li, i pou reste pour touzour.

Oze 2:18

Alor, sa zour mon pou fer en lalyans avek tou bann zannimo sovaz, bann zwazo dan lezer, e avek tou bann pti bebet lo later. Mon pou detri tou bann fles, lepe ek tou zarm lager. Mon pou fer zot disparet dan pei e permet bann zabitan dormi an sekirite.

Oze 2:20

Mon pou reganny ou par mon fidelite e ou ava konn SENYER.

Zoel 3:2

Mon pou rasanble tou bann nasyon e fer zot desann dan vale Zozafat. La, mon pou pas zizman lo zot, akoz Izrael mon pep, mon posesyon ki zot in disperse parmi bann nasyon. Mon pou osi pas zizman lo size mon pei ki zot in partaze.

Mise 5:15

Apre, avek en gran lakoler, mon pou tir vanzans lo bann nasyon ki pa'n obei mwan.

Zakari 14:3

Alor, SENYER pou sorti e konbat sa bann nasyon, parey i fer sak fwa i al lager.

Zakari 8:20

La sa ki SENYER liniver i deklare: Bann pep ek bann zabitan sorti dan bokou gran lavil pou retourn ankor.

Zakari 9:10

I pou detri kales lager dan Efraim e seval lager dan Zerizalenm. Bann fles lager pou ganny detri e i pou proklanm lape pour bann nasyon. Son pouvwar pou al depi en kote lanmer ziska lot, depi larivyer Efrat ziska dan bout later.

Akt de Zapot 17:31

Annefe, i'n fikse en zour pour li ziz lemonn antye avek lazistis, par en zonm ki i'n swazir. I'n donn nou laprev, an resisitan sa zonm.”

Revelasyon 19:11

Answit, mon ti war lesyel ouver, e en seval blan ti aparet. Sa enn ki ti pe mont sa seval, ti apel Fidel e Vre. I zize e konbat avek lazistis.

1 Samyel 2:10

Bann lennmi SENYER pou ganny detri. I pou kraz zot avek loraz sorti dan lesyel; SENYER pou ziz later antye. I pou donn pwisans son lerwa, ogmant pouvwar sa enn ki'n resevwar son lonksyon.