Mise 4:13 - Labib An Kreol Seselwa

¹³ Zabitan Zerizalenm! Leve, al bat dible. Mon pou fer ou osi for ki en bef avek korn an fer, e sabo an bronz. Ou ava kas an morso bokou nasyon. Bann larises ki ou pran, ava ganny rezerve pour mwan, mwan SENYER, met liniver antye.

Mise 4:13 ပူးပေါင်းရင်းမြစ်များ

Psonm 24:1

Later avek tou son larises, lemonn avek tou son bann zabitan i pour SENYER.

Psonm 68:29

Kot ou tanp dan Zerizalenm, bann lerwa ava anmenn kado pour ou.

Psonm 72:10

Bann lerwa Tarsis ek dan bann zil ava anmenn kado pour li. Bann lerwa Seba ek Saba ava donn li bann lofrann.

Ezai 18:7

Alor, dan sa letan, SENYER liniver pou ganny bann kado sorti kot sa pep ki gran e ki zot lapo i listre; en pep ki tou bann nasyon i per; en nasyon pwisan ki ganny laviktwar lo son lennmi; ki viv dan en pei ki ganny separe par larivyer. I pou anmenn bann kado ziska Montanny Siyon, kot SENYER liniver i ete.

Ezai 21:10

Ou mon pep ki'n ganny bate parey dible an plenner, mon'n fer anons zot sa ki mon'n tande, sorti kot SENYER liniver, Bondye Izrael.

Ezai 23:18

Son bann marsandiz ek son lapey ava ganny konsakre pour SENYER. Son bann benefis pa pou ganny anmase, ni ganny met an rezerv. Me son bann marsandiz pou servi pour byen nouri e byen abiy bann ki viv dan prezans SENYER.

Ezai 5:28

Zot bann dart i byen pwent, zot in byen ris zot fles. Sabo zot bann seval i dir koman ros e larou zot bann kales i vire parey tourbiyon.

Zeremi 51:20

SENYER i deklare: Babilonn! Ou menm mon marto, mon zarm lager. Avek ou, mon'n kraz bann nasyon, e detri bann rwayonm.

Zeremi 51:33

Annefe, la sa ki SENYER liniver, Bondye Izrael i deklare: Byento Babilonn pou ganny kraze parey en ta dible ki pe al ganny pile. Letan pour rekolte in arive.

Danyel 2:44

Dan lepok sa bann lerwa, Bondye lesyel pou etabli en rwayonm ki pa pou zanmen ganny detri; sa rwayonm pa pou zanmen pas avek en lot pep. I pou kraz tou sa bann rwayonm e detri tou konpletman; me li, i pou reste pour touzour.

Oze 10:11

Efraim i en zenis byen drese ki kontan bat dible; kan mon ti dekouver son likou byen miskle, mon ti anvi fer li kas later: Zida ava defrise e Izrael ava kas later.

Mise 5:7

Leres desandan Zakob, parmi bann nasyon nonbre, ava parey en laroze ki sorti kot SENYER, parey en zanbren lapli lo zerb, e ki pa depann lo okenn imen. Zot pa esper nanryen sorti kot personn.

Habakouk 3:12

Ou travers later dan lakoler; ou kraz bann nasyon par ou lakoler.

Zakari 12:3

Sa zour, mon pou fer Zerizalenm vin parey en gro ros lour. Dimoun ki pou esey lev li pou ganny blese. Tou bann nasyon lo later pou ralye kont li.

Zakari 12:6

Sa zour, mon pou fer bann sef Zida vin parey en dife ki pe kouve anba en ta dibwa, parey en tors alimen dan bann ta dible. I pou devor tou bann pep dan zalantour, adrwat e agos. Me Zerizalenm pa pou bouze.

Zakari 4:14

Alor i ti dir, “Zot reprezant sa de zonm ki'n ganny konsakre avek delwil fre. Zot pou dan servis devan Senyer later antye.”

Zakari 6:5

Lanz ti reponn mwan, “Sa i kat divan dan lesyel ki sorti dan prezans SENYER later antye.

1 Korentyen 16:2

Premye zour sak semenn, sakenn ava met dekote se li, larzan ki i'n reisi eparnyen. Konmsa, zot pa pou bezwen esper mwan arive pour anmas bann kontribisyon.

Deterononm 33:25

Ou annan bann baro an fer e an bronz. I ava an sekirite tou son lavi.

Zozye 6:19

Larzan ek lor, tou bann lobze an bronz e an fer, ava ganny konsakre pour SENYER; zot ava ganny met dan trezor SENYER.