Mise 4:12 - Labib An Kreol Seselwa

¹² Me zot pa konn plan SENYER; zot pa konpran son proze. In rasanble zot parey pake dible la kot zot ganny bate.

Mise 4:12 ပူးပေါင်းရင်းမြစ်များ

Psonm 147:19

I fer Zakob konn son parol, son bann regleman ek son bann desizyon avek Izrael.

Psonm 147:20

Zanmen in azir parey anver okenn lot nasyon. Zot pa konn son bann komannman. Loue SENYER!

Ezai 10:7

Me li, pa sa son lentansyon. I pa ni annan sa lide. I pe zis mazin detri e fer disparet otan nasyon posib.

Ezai 21:10

Ou mon pep ki'n ganny bate parey dible an plenner, mon'n fer anons zot sa ki mon'n tande, sorti kot SENYER liniver, Bondye Izrael.

Ezai 29:7

Alor, tou sa bann nasyon ki fer lager kont Ariel, tou bann larme ki fer lager kont li ek son bann fortifikasyon, bann ki pa oule i egziste, tousala, pou disparet parey en rev, en vizyon dan lannwit.

Ezai 55:8

La sa ki SENYER i deklare: Mon panse pa parey zot panse. Mon mannyer fer osi, pa parey zot mannyer fer.

Zeremi 29:11

Mon konn byen bann plan ki mon annan pour ou, SENYER i deklare: Bann plan ki pou anmenn prosperite pour ou, pa dezas; bann plan ki pour donn ou en lavenir ranpli avek lespwar.

Zeremi 51:20

SENYER i deklare: Babilonn! Ou menm mon marto, mon zarm lager. Avek ou, mon'n kraz bann nasyon, e detri bann rwayonm.

Zeremi 51:33

Annefe, la sa ki SENYER liniver, Bondye Izrael i deklare: Byento Babilonn pou ganny kraze parey en ta dible ki pe al ganny pile. Letan pour rekolte in arive.

Zoel 3:2

Mon pou rasanble tou bann nasyon e fer zot desann dan vale Zozafat. La, mon pou pas zizman lo zot, akoz Izrael mon pep, mon posesyon ki zot in disperse parmi bann nasyon. Mon pou osi pas zizman lo size mon pei ki zot in partaze.

Levanzil dapre Lik 3:17

Son fours i dan son lanmen pour li separ lagrenn ek lapay. I pou anmas lagrenn dan son langar rezerv, me i pou bril lapay dan dife ki pa zanmen tennyen.”